റാം സാഗർ തമ്പുരാൻ, ഫോൺ: 8301036352, വാട്സാപ്പ് : 9633721128, ഇ-മെയിൽ : samkhiyarathnam@gmail.com
2022 ജൂൺ 27 1197 മിഥുനം 13 തിങ്കളാഴ്ച.
(വൈകുന്നേരം 4 മണി 1 മിനിറ്റ് 37 സെക്കന്റ് വരെ രോഹിണി ശേഷം മകയിരം നക്ഷത്രം )
അശ്വതി: രഹസ്യ പ്രവർത്തനത്തിൽ നിന്നും വിട്ടു നിൽക്കണം,ഇഷ്ട ജനങ്ങൾ ശത്രുക്കളെപ്പോലെ പെരുമാറും. നിരാശാ ബോധം ഉണ്ടാകും,രാത്രിക്ക് ശേഷം അകാരണമായ അസ്വസ്ഥതകൾ വന്ന് ഭവിക്കാം.യാത്രാക്ലേശം,ശാരീരിക ദുരിതമുണ്ടാകാതെ സൂക്ഷിക്കണം,
ഭരണി: ശത്രുക്കളുടെയും അസൂയാലുക്കളുടെയും ശല്യം വർദ്ധിക്കും. വാശിയും ദേഷ്യവും ഒഴിവാക്കിയാൽ ജീവിതം മധുരതരമാകും, കുടുംബാംഗങ്ങൾ പ്രതികാര മനോഭാവത്തോടെ ആയിരിക്കും.മുൻകോപം, വിദേശത്ത് നിന്നും അശുഭ വാർത്തകൾ ശ്രവിക്കും.
കാർത്തിക:ഇഷ്ടജനം വഴി നേട്ടമുണ്ടാകും,ഭാഗ്യ പരീക്ഷണത്തിൽ വിജയം, പഠനത്തിൽ വിജയം, ജീവിതത്തിൽ പലവിധത്തിലും ഉള്ള പുരോഗതി. യാത്രകൾ ഗുണകരമാകും, തടസങ്ങൾ മാറി കിട്ടും, വിദ്യാർത്ഥികൾക്ക് ഉന്നത വിദ്യാഭ്യാസത്തിനു അനുമതിയും ധനലഭ്യതയും.
രോഹിണി: രോഗാവസ്ഥയിൽ നിന്നും പുതിയ ചികിത്സാ രീതിവഴി മോചനം ലഭിക്കും, മതപരമായ കാര്യങ്ങളിൽ താൽപ്പര്യം, സ്വാർത്ഥത ഒഴിവാക്കുക, ധനലാഭം, അധികാരികളുടെ പ്രീതി,സ്വർണ്ണ ലാഭം, യാത്രയിൽ നേട്ടം. അന്യദേശവാസം ഗുണം ചെയ്യും, ഭർതൃസ്‌നേഹം വർദ്ധിക്കും.
മകയിരം: ചെയ്തുപോയ കുറ്റങ്ങൾ ക്ഷമിക്കപ്പെടും. എല്ലാവിധ സുഖ സൗകര്യങ്ങളും അനുഭവിക്കാൻ യോഗം, ശത്രുക്കളെ പരാജയപ്പെടുത്തും, സുഹൃത്തുക്കൾ സഹായിക്കും,വ്യക്തിപ്രഭാവത്തിനു തിളക്കം കൂടും,വിദേശ യാത്ര ആഗ്രഹിക്കുന്നവർക്ക് അനുകൂല സമയം.
തിരുവാതിര: സംഘടന പ്രവർത്തനങ്ങളിൽ വളരെ സൂക്ഷ്മതയോടെ പ്രവർത്തിക്കണം. സർക്കാരിൽ നിന്നും ആനുകൂല്യങ്ങൾ ലഭിക്കും, മാതാവിന് രോഗശാന്തി, നിർമ്മാണ പ്രവർത്തികൾ ആരംഭിക്കും, പ്രതിസന്ധികൾ സ്വയം ഒഴിഞ്ഞുപോകും,ദാമ്പത്യ ജീവിതവും സാഹചര്യങ്ങളും സന്തോഷപ്രദം.
പുണർതം: രാഷ്ട്രീയക്കാർ അവരുടെ പ്രവൃത്തി വളരെ സൂക്ഷ്മതയോടെ കൈകാര്യം ചെയ്യണം, സ്വന്തം കുടുബത്തോട് മാത്രമെ കൂറും
സ്‌നേഹവും കാണുകയുള്ളു, കൂടുതൽ സുഖാനുഭവങ്ങൾ, അപേക്ഷിക്കുന്ന സ്ഥലങ്ങളിൽ നിന്നും സഹായ സഹകരണങ്ങൾ ലഭിക്കും. ആത്മീയപരമായ കാര്യങ്ങളിൽ താൽപ്പര്യം.
പൂയം: തൊഴിൽപരമായും ധനപരമായും ഉണ്ടായിരുന്ന ദോഷങ്ങൾ മാറും.കാര്യനിർവഹശേഷി, ആകർഷകത്വം, സത്യസന്ധത, ഈശ്വരാധീനം, കലകളിൽ താൽപര്യവും അഭിനിവേശവും തോന്നും, കോടതി കാര്യങ്ങളിൽ അനുകൂലമായ തീരുമാനം.
ആയില്യം: നീചപ്രവർത്തികളിൽ നിന്നും രക്ഷ നേടും,കലാരംഗത്ത് ശോഭിക്കും, സമ്മാനങ്ങൾ കിട്ടും, ധനാഭിവൃദ്ധി യുടെ സമയം. വീട് പണിയാൻ ആഗ്രഹിക്കുന്നവർക്ക് അനുകൂല സമയം, ഏറ്റെടുത്തു കഴിഞ്ഞ ജോലികൾ പൂർത്തിയാക്കും, പുതിയ ബന്ധങ്ങൾ ഉണ്ടാകും.
മകം: പലമേഖലകളിൽ നിന്നും പണവരവ് ഉണ്ടാകുമെങ്കിലും മദ്ധ്യാഹ്നശേഷം അധിക ചെലവുണ്ടാകും, ഭാര്യാഗുണം, സ്വാധീനശക്തി, ശത്രുക്കൾക്ക് നാശം സംഭവിക്കും, ആഗ്രഹ സാഫല്ല്യം, സഹോദരങ്ങളുമായി കൂട്ടുചേർന്ന് പ്രവർത്തിക്കും. മറ്റുള്ളവരെ സഹായിക്കാൻ താൽപര്യം കാണിക്കും,പഠന കാര്യങ്ങളിൽ ജയം.
പൂരം: വിനോദയാത്ര,ഉല്ലാസകരമായ സംഗതികൾ, കുടുബാങ്ങളെക്കൊണ്ട് മനസ്സമാധാനം, ഉന്നതോദ്യോഗസ്ഥരിൽ നിന്നും ആത്മാർഥമായ സഹകരണം കിട്ടും, വ്യവഹാര വിജയം, ആരോഗ്യ പ്രശ്നങ്ങൾക്ക് പരിഹാരം കാണും, ഇഷ്ട ജന സമ്പർക്കത്തിൽ മനസ്സിന് സന്തോഷം കിട്ടും.
ഉത്രം: രോഗമുക്തിലഭിക്കും,സന്താനസുഖം,സുഹൃത്തുക്കളും ബന്ധുക്കളും സഹായിക്കും. അനുകൂലമായ വിവാഹ ബന്ധം കിട്ടും, എല്ലാവരിൽ നിന്നും സഹായസഹകരണങ്ങൾ, ദൂരയാത്രകൾ വ്യക്തിപരമായി ഗുണപ്രദം, സ്വതന്ത്രമായി സഞ്ചരിക്കും,വസ്ത്രാഭരണാദികൾ ലഭിക്കും.
അത്തം: സ്ത്രീകൾ മൂലം ചെലവ് കുടിയിരിക്കും, ശാരീരികമായി ചെറിയ അസ്വസ്ഥത ഉണ്ടാകാം,വിഷയാസക്തി. വസ്ത്രാഭാരണാദിലാഭം, രോഗശാന്തി, അവിചാരിത ധനനേട്ടം, സന്താനങ്ങളെക്കൊണ്ട് ഗുണം, സ്വദേശത്ത് തിരിച്ചെത്തും. വിദ്യാഗുണം,പുതിയ അറിവുകൾ സമ്പാദിക്കും,
ചിത്തിര: വാക്ക് പാലിക്കാൻ സാധിക്കില്ല,ആഗ്രഹസാഫല്ല്യം നടക്കാത്തതിനാൽ മനഃപ്രയാസം നേരിടും, മോശം കൂട്ടുകെട്ടുകളിൽ നിന്നും കഴിയുന്നതും അകന്നു നിൽക്കുക. ബുദ്ധിയില്ലാതെ പെരുമാറുകയും സംസാരിക്കുകയും ചെയ്യുന്നത് മൂലം അബദ്ധങ്ങളിൽ ചാടും.
ചോതി : സ്വാർത്ഥത കാരണം മനോവിഷമം ഉണ്ടാകും,ബന്ധുക്കളിൽ നിന്നുള്ള സഹായ സഹകരണങ്ങൾ കുറയും, ധനനേട്ടത്തിന് വേണ്ടി ചെയ്യുന്ന സംഗതികൾ പിന്നീട് പ്രയാസങ്ങൾക്ക് കാരണമാകും, കുടുംബത്തിൽ അസ്വസ്ഥതകൾ ഉടലെടുക്കും,ഭൂമി സംബന്ധമായ തർക്കങ്ങൾക്കും കലഹങ്ങൾക്കും സാദ്ധ്യത.
വിശാഖം: കളത്രദുരിതം,തസ്‌കരന്മാരുടെ ഉപദ്രവം കൂടുതലാകും,ഈശ്വരാധീനം കുറയും,ഗുരുശാപമേൽക്കാതെ നോക്കണം. യാത്രയിൽ ബുദ്ധിമുട്ടുകൾ, കുടുബജീവിതത്തിൽ പലവിധ ക്ലേശങ്ങൾക്കും സാദ്ധ്യത, പൊള്ളലോ പരുക്കോ ഏൽക്കാതെ നോക്കണം, അന്യദേശവാസം മൂലം പ്രയാസങ്ങൾ, മനസമാധാനക്കുറവ് സ്വയം ഉണ്ടാകും.
അനിഴം: ശത്രുതാ മനോഭാവത്തിലായിരുന്ന വ്യക്തികൾ സ്വാർത്ഥ താൽപര്യങ്ങൾ സാധിക്കുന്നതിനു വേണ്ടി ചങ്ങാത്തം കൂടും.
സാമ്പത്തീക സഹായം അനുവദിച്ചുകിട്ടും, വ്യാപാരികൾക്ക് നല്ലസമയം, മംഗള കർമ്മങ്ങൾ നടക്കും, വ്യവഹാരവിജയം,ദേവാലയ ദർശനം നടത്തും, കുടുംബത്തിലുണ്ടായിരുന്ന അസ്വസ്ഥതകൾക്ക് ശമനം.
കേട്ട: ലഭിച്ചു കൊണ്ടിരിക്കുന്ന സഹായ സഹകരണങ്ങൾ വർദ്ധിക്കും,തൊഴിൽ രംഗം മെച്ചപ്പെടും, വിവിധ വിഷയങ്ങളിൽ താല്പര്യം തോന്നും, പുതിയ ഗൃഹോപരണങ്ങൾ വാങ്ങിക്കും, പൂർവ്വിക സ്വത്ത് ലഭിക്കും.മറ്റുള്ളവരിൽ നിന്നുള്ള ഉപദ്രവം കുറയും, കുടുംബപരമ്പയിൽ പെട്ടവരുടെ സാന്നിധ്യം ഗൃഹത്തിൽ ഉണ്ടാകും.
മൂലം: പ്രതികൂലമായ പരിതസ്ഥിതികളിൽ ആത്മനിയന്ത്രണം പാലിക്കുക, തൊഴിൽ മേഖലയിൽ അംഗീകാരത്തിനും പ്രശംസയ്കും സാധ്യത, ഔദ്യോഗികമായി ദൂരയാത്രകൾ, ലോണുകൾ എളുപ്പത്തിൽ അനുവദിച്ചു കിട്ടും. സന്താനസുഖം, ആഡംഭര വസ്തുക്കൾ ശേഖരിക്കും, കുടുബസുഖം, ശത്രുക്കളെ പരാജയപ്പെടുത്തും.
പൂരാടം: കാര്യ സാദ്ധ്യത്തിനായി യാത്രകൾ ചെയ്യും, പങ്കാളിക്ക് സമ്മാനങ്ങൾ ലഭിക്കും,വ്യവഹാര വിജയം. ജോലിയിൽ അനുകൂലമായ മാറ്റം പ്രതീക്ഷിക്കാം, വില കൂടിയ സമ്മാനങ്ങളോ അംഗീകാര പത്രങ്ങളോ കിട്ടും, കുടുംബ ജീവിതത്തിൽ ശാന്തിയും സമാധാനവും കളിയാടും. ജീവിതത്തിൽ പലവിധത്തിലും ഉള്ള പുരോഗതി,വിദ്യാർത്ഥികൾക്ക് അനുകൂല സമയം.
ഉത്രാടം: യാത്ര മൂലം ധനലാഭം, വ്യാപാര സംരംഭത്തിൽ കൂടി നേട്ടം ഉണ്ടാകും,കുടുംബ സുഖം, കാലങ്ങളായി കിട്ടാതിരുന്ന ധനം തിരിക ലഭിക്കും, നേതൃത്വ പാടവം കാഴ്ച്ചവയ്ക്കും, ധനനേട്ടം, സുഖാനുഭവങ്ങൾ, ധനപരമായി ഉയർച്ച. ദൈവാധീനം ഉണ്ടാകും, ആകർഷകത്വം എല്ലായിടത്തും നിഴലിച്ചു നിൽക്കും.
തിരുവോണം: ആഗ്രഹങ്ങൾ സഫലമാകും, ധനലാഭം, ശുഭകരമായ വാർത്തകൾ ശ്രവിക്കും, ഉദ്യോഗത്തിൽ നേട്ടങ്ങൾ, കൃഷിഗുണം, സ്ത്രീഗുണം, ദാബത്യസുഖം, ആഭരണലാഭം,സുഖാനുഭവങ്ങൾ വിട്ടുവിട്ടു അനുഭവിക്കും, ആരോഗ്യപരിപാലനം നടത്തും,പുതിയ അവസരങ്ങൾ ലഭിക്കും.
അവിട്ടം:വിദ്യാവിജയം, സർക്കാരിൽനിന്നും നിന്നും അനുകൂലമായ നടപടി, യാത്ര കൊണ്ട് ഗുണം. മുമ്പുണ്ടായിരുന്നതിനേക്കാൾ സമാധാനവും സന്തോഷവും, ജീവിതത്തിൽ പലവിധത്തിലും ഉള്ള പുരോഗതി.ധനാഗമനത്തിനു അനുകൂലമായ സാഹചര്യങ്ങൾ, എല്ലാരംഗത്തും അഭിവൃദ്ധി, ആഗ്രഹ സാഫല്യം കിട്ടും, പ്രാർത്ഥനയ്ക്ക് ഫലം കിട്ടും.
ചതയം: സ്ത്രീകൾ മുഖേനെ സന്തോഷം,പലരംഗത്തും തടസങ്ങൾ അനുഭവത്തിൽ വരും,സുഖാനുഭവങ്ങൾ അനുകൂലമായ വിവാഹ ബന്ധം, എല്ലാവരും പ്രീതികരമായ രീതിയിൽ പെരുമാറും. കുടുംബത്തിൽ ഐശ്വര്യവും സമാധാനവും,കർഷകർക്ക് ലാഭം.വ്യാപാര സംരംഭത്തിൽ കൂടി നേട്ടം ഉണ്ടാകും, ജനപ്രീതിയും അംഗീകാരവും, തൊഴിൽ മേഖല ഉഷാറാകും.
പൂരുരുട്ടാതി: വിവാഹ തീരുമാനങ്ങളിൽ അനിശ്ചിതത്വം നിലനിൽക്കുകയോ തുടരുകയോ ചെയ്യും.ശ്രദ്ധാപൂർവം ജോലി നിർവ്വഹിച്ചില്ലങ്കിൽ തൊഴിൽ നഷ്ടം സംഭവിക്കും, ധനചെലവ്, ദൂരയാത്രാക്ലേശം, ഉന്നതരിൽ നിന്നും വിഷമങ്ങൾ, ശത്രുവർദ്ധന. ദുരാഗ്രഹം, ബന്ധുക്കളുമായി കലഹം, അപായഭീതി.
ഉത്രട്ടാതി: സുഖഭക്ഷണ ലഭ്യത,ആഭരണവസ്ത്രാദി ലാഭം,കുടുബാംഗങ്ങളുമായി രമ്യതയിൽ കഴിയും,പ്രേമകാര്യങ്ങളിൽ സന്തോഷം,
യാത്രാഗുണം, താൽക്കാലിക ജോലി സ്ഥിരമാകും,സ്വന്തം ഉയർച്ചയിൽ മറ്റുള്ളവർക്ക് അസൂയ ഉടലെടുക്കും. പ്രതികൂലമായ പരിതസ്ഥിതികളിൽ മനോധൈര്യം പ്രകടിപ്പിക്കും. ജനപ്രീതിയും അംഗീകാരവും.
രേവതി: പൊതുവേദികളിൽ പ്രത്യക്ഷപ്പെടുമ്പോൾ അപമാനിതനാവാൻ ഇടയുള്ളതിനാൽ സൂക്ഷിക്കണം, ഏല്ലാരംഗത്തും പരാജയം, അപായഭീതി. ശത്രുദോഷം, രോഗങ്ങൾ കൊണ്ടുള്ള ധനചിലവ്, ദാമ്പത്യ സുഖക്കുറവ്. ബന്ധുക്കളുടെ എതിർപ്പുകൾ.അധികാര മോഹം.ശാന്തതയും സമാധാനവും പുലർത്തണം, വികാര വിക്ഷോഭങ്ങൾ നിയന്ത്രിക്കണം.