നല്ല ഭക്ഷണസാധനങ്ങൾ തിരഞ്ഞെടുക്കുന്നത് പോലെ പ്രധാനമാണ് അവ ആരോഗ്യകരമായി പാചകം ചെയ്യുന്നതും. ആവിയിൽ പുഴുങ്ങി തയ്യാറാക്കുന്ന ഭക്ഷണങ്ങളാണ് ഇവയിൽ ഏറ്റവും ആരോഗ്യകരം. എണ്ണ ഉപയോഗിക്കാതെയുള്ള പാചകം ആയതിനാൽ തന്നെ കൊഴുപ്പിനേയും കൊളസ്‌ട്രോളിനേയും ഈ പാചക രീതിയിൽ പേടിക്കേണ്ട എന്നതാണ് ഏറ്റവും പ്രധാനം.
അമിതവണ്ണം ഒഴിവാക്കാൻ ആഗ്രഹിക്കുന്നവർക്ക് പറ്റിയ പാചക രീതിയാണിത്. വെള്ളവുമായി നേരിട്ട് സമ്പർക്കമില്ലാത്തതിനാൽ വിറ്റാമാനുകളും മറ്റു ധാതുക്കളും നഷ്‌ടപ്പെടില്ല. വിറ്റാമിൻ ബി, സി, തയാമിൻ, നിയാസിൻ തുടങ്ങി പാചകം ചെയ്യുമ്പോൾ നഷ്‌ടപ്പെട്ടു പോകുന്ന ധാതുക്കളെ ആവിയിലുള്ള പാചകം ചെയ്യലിലൂടെ സംരക്ഷിക്കാനാകും. വറുക്കൽ, വെള്ളത്തിൽ വേവിക്കൽ തുടങ്ങി മറ്റേത് പാചകരീതിയെക്കാളും ആരോഗ്യകരമാണിത്. ആവിയിൽ വേവുന്ന ഭക്ഷണം പെട്ടെന്ന് ദഹിക്കുകയും ചെയ്യും.