ടെക്സസ്: യുഎസിലെ ടെക്സസിൽ മൃതദേഹങ്ങളടങ്ങിയ ട്രക്ക് കണ്ടെത്തി. സാൻ അന്റോണിയയിൽ ഉപേക്ഷിക്കപ്പെട്ട നിലയിലായിരുന്നു ട്രക്ക്. മെക്സിക്കോയിൽ നിന്നുള്ള അഭയാർത്ഥികളാണ് മരിച്ചവരെന്നാണ് നിഗമനം. ട്രക്കിനുള്ളിൽ 46 മൃതദേഹങ്ങൾ ഉണ്ടായിരുന്നുവെന്നാണ് വിദേശ മാ‌ദ്ധ്യമങ്ങൾ റിപ്പോർട്ട് ചെയ്തത്.

അതിർത്തിയിൽ നിന്ന് 250 കിലോമീറ്റർ അകലെയായിരുന്നു ട്രക്ക് കണ്ടെത്തിയത്. കനത്ത ചൂടാണ് മരണകാരണമെന്നാണ് വിലയിരുത്തൽ. 39.4 ഡിഗ്രി വരെ താപനില ഉയർന്നിരുന്നു. എന്നാൽ സംഭവത്തിൽ പ്രതികരിക്കാൻ സാൻ അന്റോണിയോ പൊലീസ് തയാറായില്ല. സംഭവസ്ഥലത്ത് വൻ പൊലീസ് സംഘം ക്യാമ്പ് ചെയ്യുന്നതായും വിദേശ മാദ്ധ്യമങ്ങൾ റിപ്പോർട്ട് ചെയ്തു.