കോ​ന്നി: പു​ന​ലൂ​ർ - മൂ​വാ​റ്റു​പു​ഴ സം​സ്ഥാ​ന പാ​ത വി​ക​സ​ന​വു​മാ​യി ബ​ന്ധ​പ്പെ​ട്ട് കലഞ്ഞൂർ മേഖലയിൽ ടാറിങ് പുരോഗമിക്കുന്നു. കുമ്പഴ, മാരൂർ പാലം, വകയാർ കരിക്കുടുക്ക എന്നിവിടങ്ങളിൽ പാലങ്ങളുടെ പണി പുരോഗമിക്കുകയാണ്. കോന്നി മുതൽ കലഞ്ഞൂർ വരെയുള്ള ഭാഗങ്ങളിലെ കലുങ്കുകളുടെ പണികളും നടക്കുകയാണ്. മഴ മാറി നിൽക്കുന്നതിനാൽ നിർമ്മാണ പ്രവർത്തങ്ങൾ വേഗത്തിലാക്കാൻ കഴിയുന്നുണ്ട്. മുൻപ് റോഡിന്റെ നിർമ്മാണ പ്രവർത്തങ്ങൾ ഇഴഞ്ഞുനീങ്ങുന്നത് പരാതിക്ക് ഇടയാക്കിയിരുന്നു. പു​ന​ലൂ​ർ മു​ത​ൽ പൊ​ൻ​കു​ന്നം വ​രെ​യു​ള്ള റോ​ഡിന്റെ ന​വീ​ക​ര​ണ​ത്തിന് 738 കോ​ടി രൂപയാണ് ചെലവഴിക്കുന്നത്. മുന്ന് റീച്ചുകളായാണ് നിർമ്മാണം. പു​ന​ലൂ​ർ മു​ത​ൽ കോ​ന്നി വ​രെ 226 .61കോ​ടി​യാ​ണ് അ​ട​ങ്ക​ൽ തു​ക. റോ​ഡി​ന് ഇ​രു​വ​ശ​വും ഓ​ട​ക​ൾ നിർമ്മിക്കുന്ന ജോ​ലി​ക​ളും പൂ​ർ​ത്തി​യാ​യിവ​രു​ന്നു​ണ്ട്. സം​സ്ഥാ​ന​ത്ത് പ്രൊ​ക്യൂ​ർ​മെന്റ് ക​ൺ​സ്ട്ര​ക്​​ഷ​ൻ രീ​തി​യി​ൽ നി​ർമ്മി​ക്കു​ന്ന ആ​ദ്യ റോ​ഡാ​ണി​ത്. 14 മീ​റ്റ​ർ വീ​തി​യി​ലാ​ണ് റോ​ഡ് നി​ർ​മ്മി​ക്കു​ന്ന​ത്. 10 മീ​റ്റ​ർ വീ​തി​യി​ൽ ടാ​റി​ട്ട്​ ഇ​രു​വ​ശ​ങ്ങളിലും ര​ണ്ടു​മീ​റ്റ​ർ വീ​തി​യി​ൽ ന​ട​പ്പാ​ത നി​ർ​മ്മി​ക്കും. കോ​ന്നി, ചി​റ്റൂ​ർ​മു​ക്ക്, മ​ല്ല​ശേ​രി​മു​ക്ക്, വകയാർ കോട്ടയം മുക്ക്, മുറിഞ്ഞക്കല്ല്, കൂടൽ, കലഞ്ഞൂർ തു​ട​ങ്ങി​യ ജംഗ്​​​ഷ​നു​കളും റോ​ഡ് നി​ർ​മ്മാ​ണ​ത്തിന്റെ ഭാ​ഗ​മാ​യി വി​ക​സിപ്പിക്കും. ടൗ​ണു​ക​ളി​ൽ ന​ട​പ്പാ​ത​യും കൈ​വ​രി​ക​ളും സ്ഥാ​പി​ക്കും. ബ​സ് ഷെ​ൽ​ട്ട​ർ ഉ​ൾ​പ്പെ​ടു​ന്ന ബ​സ് ബേ​ക്ക​ർ, ന​ട​പ്പാ​ത​ക​ൾ, സം​ര​ക്ഷ​ണ ഭി​ത്തി, കോ​ൺ​ക്രീ​റ്റ് ഓ​ട​ക​ൾ തു​ട​ങ്ങി എ​ല്ലാ സം​വി​ധാ​ന​ങ്ങ​ളും ഒ​രു​ക്കും. നി​ല​വി​ലു​ള്ള ക​യ​റ്റ​ങ്ങ​ളും വ​ള​വു​ക​ളും കുറച്ച് റോ​ഡ് സു​ര​ക്ഷ ഉ​റ​പ്പാ​ക്കുന്ന രീതിയിലാണ് നിർമ്മാണ പ്രവർത്തനങ്ങൾ നടക്കുന്നത്.