തിരുവല്ല: മാർത്തോമ്മ കോളേജ് എൻ.സി.സി യൂണിറ്റ്, മുൻസിപ്പാലിറ്റി, കുറ്റപ്പുഴ പ്രാഥമികാരോഗ്യ കേന്ദ്രം എന്നിവയുടെ സംയുക്താഭിമുഖ്യത്തിൽ കുറ്റപ്പുഴ ആറ്റുമാലിൽ കോളനി കേന്ദ്രീകരിച്ച് മഴക്കാല പ്രതിരോധ പ്രവർത്തനം നടത്തി. സന്ദേശ റാലി, ഭവന സന്ദർശനം, ലഘുലേഖ വിതരണം, പ്രതിരോധ ബോധവത്കരണം, കൊതുകു സംഹാരി സ്പ്രേയിംഗ് എന്നീ പ്രവർത്തനങ്ങൾ നടത്തി. വാർഡ് കൗൺസിലർ ഡോ.റെജിനോൾഡ് വർഗീസ് ഉദ്ഘാടനം ചെയ്തു. മാർത്തോമ്മ കോളേജ് പ്രിൻസിപ്പൽ ഡോ. വർഗീസ് മാത്യു അദ്ധ്യക്ഷനായി. എൻ.സി.സി. ഓഫീസർ ലെഫ്. റെയിസൺ സാം രാജു, ഡോ.ലത പി.ചെറിയാൻ, ബോബിൻ മാത്യൂ എന്നിവർ പ്രസംഗിച്ചു.