ഇളമണ്ണൂർ: ബി.ജെ.പി ഏരിയ കമ്മിറ്റിയുടെ നേതൃത്വത്തിൽ പഠനോപകരണ വിതരണം നടത്തി. 95 ഓളം കുട്ടികൾക്കാണ് പഠനോപകരണങ്ങൾ വിതരണം നടത്തിയത്. ഇളമണ്ണൂർ കെ.പി.പി.എം യു.പി .എസ് സ്കൂളിൽ നടന്ന ചടങ്ങ് ബി.ജെ.പി കോന്നി നിയോജക മണ്ഡലം പ്രസിഡന്റ് ആർ.രാകേഷ് ഉദ്ഘാടനം ചെയ്തു. ബി.ജെ.പി ഇളമണ്ണൂർ ഏരിയ കമ്മിറ്റി പ്രസിഡന്റ് ആർ.സീമ അദ്ധ്യക്ഷത വഹിച്ചു. ഏരിയ കമ്മിറ്റി ജനറൽ സെക്രട്ടറി സാരീഷ് ഇളമണ്ണൂർ സ്വാഗതം പറഞ്ഞു. പഞ്ചായത്ത് 14-ാം വാർഡ് മെമ്പർ ആർ.സതീഷ് കുമാർ മുഖ്യപ്രഭാഷണം നടത്തി. മണ്ഡലം സെൽ കോ - ഒാർഡിനേറ്റർ എം. ബി.വിശ്വനാഥൻ, മണ്ഡലം ജനറൽ സെക്രട്ടറി രതീഷ് ബാലകൃഷ്ണൻ ,ഹിന്ദു ഐക്യവേദി നേതാക്കളായ അശോക് കുമാർ, മോഹനൻ മുല്ലശേരി, യുവമോർച്ച ഏരിയാ കമ്മിറ്റി പ്രസിഡന്റ് പ്രജിത്ത് ഇന്ദ്രപ്രഭ തുടങ്ങിയവർ പങ്കെടുത്തു.