അടൂർ : ഗ്രന്ഥശാല പ്രസ്ഥാനത്തിന്റെ നേതാക്കളായ പി.എൻ.പണിക്കരുടെ ചരമദിനമായ ജൂൺ 19 ന് ആരംഭിച്ച് ഐ.വി.ദാസിന്റെ ജന്മദിനമായ ജൂലായ് 7ന് അവസാനിക്കുന്ന രീതിയിൽ നടത്തിവരുന്ന വായന പക്ഷാചരണത്തിന്റെ ഭാഗമായി പന്നിവിഴ സന്തോഷ് വായനശാലയിൽ അക്ഷരദീപം തെളിച്ചു. റവ.പി​.ജി.കുര്യൻ പ്ലാങ്കാലായിൽ കോർ എപ്പിസ്കോപ്പ ഉദ്ഘാടനം ചെയ്തു. വായനശാല പ്രസിഡന്റ് വി.എൻ.മോഹൻദാസിന്റെ അദ്ധ്യക്ഷതയിൽ കൂടിയ യോഗത്തിൽ എ.എസ്.റോയി , നഗരസഭാ കൗൺസിലർ രമേശ് വരിക്കോലിൽ, വർഗീസ് ദാനിയേൽ, രാമചന്ദ്രൻ, വി.കെ.സ്റ്റാൻലി എന്നിവർ പ്രസംഗിച്ചു.