ഏരൂർ: വീട്ടമ്മ ആത്മഹത്യ ചെയ്ത സംഭവത്തിൽ ഭർത്താവിനെ ഏരൂർ പൊലീസ് അറസ്റ്റ് ചെയ്തു. അയിലറ കൈവല്യം വീട്ടിൽ ഹരികുമാറിനെയാണ് (48) അറസ്റ്റ് ചെയ്തത്.

നിരന്തര പീഡനത്തെ തുടർന്ന് ഹരികുമാറിന്റെ ഭാര്യ സംഗീതയാണ് (42) 31ന് രാത്രി തീ കൊളുത്തി ആത്മഹത്യയ്ക്ക്‌ ശ്രമിച്ചത്. ഗുരുതരമായി പൊള്ളലേറ്റ സംഗീതയെ അഞ്ചൽ സെന്റ് ജോസഫ് മിഷൻ ഹോസ്പിറ്റലിലും തുടർന്ന് തിരുവനതപുരം മെഡിക്കൽ കോളേജിലും പ്രവേശിപ്പിച്ചു.

മെഡിക്കൽ കോളേജിൽ ചികിത്സയിരിക്കെ ഒന്നാം തീയതി പുലർച്ചയോടെ സംഗീത മരിച്ചു. ഏരൂർ ഇൻസ്‌പെക്ടർ എം.ജി. വിനോദിന്റെ നേതൃത്വത്തിൽ എസ്.ഐമാരായ ശരലാൽ, നിസാറുദീൻ, അബ്‌ദുൾ റഹിം, സി.പി.ഒമാരായ ഐ.ബി. അരുൺ,​ അബീഷ്, രാജീവ് എന്നിവരടങ്ങിയ ടീമാണ് പ്രതിയെ അറസ്റ്റ് ചെയ്തത്.