എഴുകോൺ : അനധികൃതമായി പണം നൽകി പലിശ ഈടാക്കിയിരുന്ന ആളെ എഴുകോൺ പൊലീസ് അറസ്​റ്റ്​ ചെയ്തു. എഴുകോൺ ഇരുമ്പനങ്ങാട് ചരുവിള തെക്കേതിൽ സജി പണിക്കർ (56) ആണ് അറസ്റ്റിലായത്.

എഴുകോൺ പഞ്ചായത്ത്‌ മാർക്കറ്റിൽ പലിശക്ക് പണം കടം കൊടുക്കുന്നതിനിടയിലാണ് പിടിയിലായത്. എഴുകോൺ എസ്.എച്ച്.ഒ. ശിവ പ്രകാശിന് ലഭിച്ച രഹസ്യ വിവരത്തെ തുടർന്നാണ് നടപടി. എസ്.ഐ വി.വി.സുരേഷ് , എസ്.സി.പി.ഒ ബിജു , സി.പി. ഒ വിനയൻ എന്നിവരാണ് അറസ്റ്റ് ചെയ്ത പൊലീസ് സംഘത്തിലുണ്ടായിരുന്നത്.