കൊല്ലം: ചിന്നക്കട ജംഗ്ഷനിൽ കെ.എസ്.ആർ.ടി.സി ബസ് ഇടിച്ച് ബൈക്ക് യാത്രികർക്ക് പരിക്കേറ്റു. ചാത്തിനാംകുളം സുമേഷ് ഭവനത്തിൽ സുമേഷ് (27), ​ഗിരിഭവനത്തിൽ സുജിത്ത് (27) എന്നിവർക്കാണ് പരിക്കേറ്റത്. ​ഗുരുതര പരിക്കേറ്റ സുമേഷിനെ സ്വകാര്യ ആശുപത്രിയിലേക്ക് മാറ്റി. സുജിത്ത് ജില്ലാ ആശുപത്രിയിൽ ചികിത്സയിലാണ്. രാത്രി ഒൻപതോടെ ചിന്നക്കട റൗണ്ടിൽവച്ചാണ് അപകടം. തെങ്കാശിയിൽ നിന്ന് കൊല്ലത്തേക്ക് വരികയായിരുന്ന ഫാസ്റ്റ് പാസഞ്ചർ ബസാണ് ഇടിച്ചത്.