കൊല്ലം: പ്രവാചക നിന്ദയിൽ പ്രതിഷേധിച്ച പോപ്പുലർ ഫ്രണ്ട് കൊല്ലം വെസ്റ്റ് ജില്ലാകമ്മിറ്റിയുടെ നേതൃത്വത്തിൽ കരുനാഗപ്പള്ളി നഗരത്തിൽ റാലിയും പൊതുയോഗവും നടന്നു. കേരള മുസ്‌ളിം യുവജന ഫെഡറേഷൻ സംസ്ഥാന ജനറൽ സെക്രട്ടറി കാരാളി ഇ.കെ.സുലൈമാൻ ദാരിമി ഉദ്ഘാടനം ചെയ്തു. വെസ്റ്റ് ജില്ലാ പ്രസിഡന്റ് ടി.എച്ച്. ഷമീർ അദ്ധ്യക്ഷത വഹിച്ചു. മുഹമ്മദ്‌ ഹുസൈൻ ഫൈസി കല്ലേലിഭാഗം, ജില്ലാ സെക്രട്ടറിമാരായ സബീർ മുതിരപ്പറമ്പ്, യു.ആർ.റിയാസ് എന്നിവർ സംസാരിച്ചു. ഷെയ്ഖ് മസ്ജിദിന്റെ മുമ്പിൽ നിന്നാരംഭിച്ച പ്രകടനം കരുനാഗപ്പള്ളി നഗരസഭയ്ക്ക് സമീപം സമാപിച്ചു.