
പത്തനാപുരം: ശരണ്യ മോട്ടോഴ്സ് സ്ഥാപനങ്ങളുടെ ഉടമയും പ്രമുഖ വ്യവസായിയുമായ തലവൂർ വടകോട് പുതിയ വീട്ടിൽ ആർ. ചന്ദ്രശേഖരൻപിള്ള (81) നിര്യാതയായി. വാളകം രാമവിലാസം എച്ച്.എസിലെ റിട്ട. അദ്ധ്യാപകനായിരുന്ന ചന്ദ്രശേഖരൻപിള്ള കൊട്ടാരക്കര താലൂക്ക് പ്രൈവറ്റ് ബസ് അസോസിയേഷൻ പ്രസിഡന്റ്, തലവൂർ വടകോട് 3876 - ാം നമ്പർ എൻ.എസ്.എസ് കരയോഗം പ്രസിഡന്റ് എന്നീ നലകളിൽ പ്രവർത്തിച്ച് വരികയായിരുന്നു. ദീർഘകാലം തലവൂർ തൃക്കൊന്നമർകോട് ക്ഷേത്രം ദേവസ്വം പ്രസിഡന്റായിരുന്നു. സംസ്കാരം ഇന്ന് ഉച്ചയ്ക്ക് 1ന് വീട്ടുവളപ്പിൽ. ഭാര്യ: വാളകം കീഴൂട്ട് കുടുംബാംഗമായ എസ്. രമണിഅമ്മ (മുൻ മന്ത്രി പരേതനായ ആർ. ബാലകൃഷ്ണപിള്ളയുടെ അനന്തിരവൾ). മക്കൾ: സി. ഹരികുമാർ, സി. ഗോപകുമാർ, സി. മനോജ് കുമാർ. മരുമക്കൾ: ആശ (കെ.എസ്.എഫ്.ഇ പുത്തൂർ), മായ, ലക്ഷ്മി.