ചവറ : മൈത്രി ഫാമിലി ക്ലബ് വിദ്യാർത്ഥികൾക്ക് പഠനോപകരണങ്ങൾ വിതരണം ചെയ്തു. ചവറ ശങ്കരമംഗലം കാമൻകുളങ്ങര ഗവ.എൽ.പി സ്കൂളിലെ വിദ്യാർത്ഥികൾക്കാണ് നോട്ട് ബുക്കുകളും പേനയും പെൻസിലും വിതരണം ചെയ്തത്. പഠനോപകരണ വിതരണം ചവറ സർക്കിൾ ഇൻസ്പെക്ടർ നിസാമുദ്ദീൻ ഉദ്ഘാടനം ചെയ്തു. ക്ലബ് പ്രസിഡന്റ് മനോജ് മോൻ അദ്ധ്യക്ഷത വഹിച്ചു. രക്ഷാധികാരി ഡയറീസ് ഡിക്രൂസ്, സ്കൂൾ മാനേജ്മെന്റ് കമ്മിറ്റി ചെയർമാൻ വർഗീസ് എം.കൊച്ചുപറമ്പിൽ, ക്ലബ് സെക്രട്ടറി എസ്.സന്തോഷ്, ക്ലബ് ട്രഷറർ രാജേന്ദ്രൻ പിള്ള, പ്രഥമാദ്ധ്യാപിക ബി.വി.സിന്ധു എന്നിവർ സംസാരിച്ചു.