കരുനാഗപ്പള്ളി : ഭാരത സർക്കാർ യുവജനകാര്യ കായികമന്ത്രാലയം ജില്ലാ നെഹ്റു യുവ കേന്ദ്രയും കേരള യൂത്ത് പ്രമോഷൻ കൗൺസിലും കരുനാഗപ്പള്ളി ഗവ.മോഡൽ ഹയർസെക്കൻഡറി സ്കൂളിലെ എസ് .പി .സിയും സംയുക്തമായി സംഘടിപ്പിക്കുന്ന രാജ്യാന്തര യോഗ ദിനാചരണത്തിന്റെ ജില്ലാതല ഉദ്ഘാടനം ഇന്ന് രാവിലെ 7 ന് ഗവ.മോഡൽ ഹയർസെക്കൻഡറി സ്കൂളിൽ നടക്കും. നഗരസഭാ ചെയർമാൻ കോട്ടയിൽ രാജു ഉദ്ഘാടനം ചെയ്യും. വിദ്യാഭ്യാസ സ്ഥിരം സമിതി അദ്ധ്യക്ഷ ശ്രീലത, നെഹ്‌റു യുവ കേന്ദ്ര ജില്ലാ യൂത്ത് ഓഫീസർ നിപുൺ ചന്ദ്രൻ,കേരള യൂത്ത് പ്രമോഷൻ കൗൺസിൽ ചെയർമാൻ സുമൻജിത്ത്മിഷ എന്നിവർ പ്രസംഗിക്കും . സുനിൽകുമാർ യോഗ പരിശീലനം നൽകും. നഗരസഭ കൗൺസിലർ രമ്യസുനിൽ, ഹെഡ്മാസ്റ്റർ അനിൽകുമാർ,പി .ടി. എ പ്രസിഡന്റ് ബി.എസ്. രഞ്ജിത്ത്, പൊലീസ് സബ് ഇൻസ്‌പെക്ടർ ജി. ഉത്തരക്കുട്ടൻ,എസ്.എം.സി ചെയർമാൻ രാജേഷ്, കമ്മ്യൂണിറ്റി പൊലീസ് ഓഫീസർ ശ്രീലത എന്നിവർ പങ്കെടുക്കും.