കൊല്ലം: അർദ്ധരാത്രിയിൽ വീട്ടിൽ അതിക്രമിച്ചു കയറി ഉറങ്ങിക്കിടന്ന സ്ത്രീയെ പീഡിപ്പിക്കാൻ ശ്രമിച്ച വയോധികൻ പിടിയിൽ. ജോനകപ്പുറം മുസ്ലീം കോളനി-551ൽ ജോൺസൺ (61) ആണ് പൊലീസിന്റെ പിടിയിലായത്. ഒറ്റയ്ക്കു താമസിക്കുന്ന സ്ത്രീക്കാണ് കഴിഞ്ഞദിവസം ദുരനുഭവമുണ്ടായത്. അക്രമത്തിൽ നിന്ന് രക്ഷപ്പെടാൻ നിലവിളിച്ചെങ്കിലും ബലമായി തടഞ്ഞ് വച്ച് കഴുത്തിൽ കുത്തിപ്പിടിച്ച് ഉപദ്റവിക്കുകയായിരുന്നു. ബന്ധുവീടുകളിലും മറ്റും ഒളിവിൽ കഴിഞ്ഞുവന്ന ഇയാളെ സിറ്റി സൈബർ സെല്ലിന്റെ സഹായത്തോടെ കണ്ടെത്തുകയായിരുന്നു. പള്ളിത്തോട്ടം ഇൻസ്‌പെക്ടർ ആർ. ഫയാസിന്റെ നേതൃത്വത്തിൽ എസ്.ഐമാരായ സുകേഷ്, അനിൽ ബേസിൽ, ഹിലാരിയോസ്, ജി.എ.എസ്.ഐ കൃഷ്ണകുമാർ, സുനിൽകുമാർ, എസ്.സി.പി.ഒ ഷാനവാസ്, ശ്രീജിത്ത് എന്നിവരടങ്ങിയ സംഘമാണ് ഇയാളെ പിടികൂടിയത്.