കൊട്ടിയം: കാഴ്ചപരിമി​തരുടെ ഉന്നമനത്തിനായി പ്രവർത്തിക്കുന്ന ഓൺലൈൻ വായനക്കൂട്ടായ്മയായ 'വിജ്ഞാനദീപ'വും ചാത്തന്നൂർ ശ്രീ നാരായണ കോളേജിലെ മലയാളവിഭാഗവുമായി ചേർന്നു വായനോത്സവം സംഘടിപ്പിച്ചു. പഠനത്തിൽ മിടുക്കരും സാമ്പത്തികമായി പിന്നാക്കം നിൽക്കുന്നതുമായ, കേരളത്തിലെ കാഴ്ചപരിമിതരായ വിദ്യാർത്ഥികൾക്കായി ഏർപ്പെടുത്തിയിട്ടുള്ള വിജ്ഞാനദീപം ലിറ്റിൽ സ്കോളർഷിപ് ' 22 പദ്ധതിയുടെ ഉദ്ഘാടനം കോളേജ് പ്രിൻസിപ്പൽ ഡോ. എം.എസ്. ലത നിർവഹിച്ചു.

സന്തോഷ് കരുനാഗപ്പള്ളി അദ്ധ്യക്ഷത വഹിച്ചു. മലയാള വിഭാഗം അസിസ്റ്റന്റ് പ്രൊഫസർ ഡോ. എം. കിരൺ മോഹൻ, അസി.പ്രൊഫ. ബി. ദിവ്യ, വിജ്ഞാനദീപം കൂട്ടായ്മയുടെ അംഗങ്ങളായ ബിജുകുമാർ കിളിമാനൂർ, സുഗുണൻ കൊല്ലം, ലാൽജി തുടങ്ങിയവർ പങ്കെടുത്തു.