ഓടനാവട്ടം: കുടവട്ടൂർ മാരൂർ അഷ്ടമിയിൽ അജിത് കുമാറിന്റെയും റെനാ അജിത്തിന്റെയും ഏക മകൾ അഡ്വ.അഷ്ടമി അജിത്കുമാർ (25) കിടപ്പു മുറിയിൽ തൂങ്ങി മരിച്ച നിലയിൽ കണ്ടെത്തി. ഇന്നലെ വൈകിട്ട് അഞ്ചു മണിയോടെയാണ് മരിച്ചനിലയിൽ വീട്ടുകാർ കണ്ടെത്തിയത്. കഴിഞ്ഞ ഏഴുമാസങ്ങളായി കൊട്ടാരക്കരയിൽ അഡ്വ. കടയ്ക്കൽ സി. മോഹനന്റെ ജൂനിയറായി പ്രാക്ടീസ് ചെയ്തു വരികയായിരുന്നു. മരണകാരണം വ്യക്തമല്ല. അവിവാഹിതയാണ്. പൂയപ്പള്ളി പൊലീസ് സ്ഥലത്തെത്തി മേൽ നടപടികൾ സ്വീകരിച്ചു. മൊബൈൽ ഫോൺ പൊലീസ് പരിശോധിച്ചു വരികയാണ്. മൃതദേഹം കൊട്ടാരക്കര താലൂക്ക് ആശുപത്രിമോർച്ചറിയിൽ.