പാരിപ്പള്ളി: ദേശീയപാതയിൽ കല്ലുവാതുക്കലിൽ ടെമ്പോട്രാവലർ ഡിവൈഡറിൽ ഇടിച്ച് മറിഞ്ഞ് 16 പേർക്ക് പരിക്കേറ്റു. തൃശൂർ സ്വദേശികളായ പാറക്കാട് ഹൗസിൽ ദീപ(43),അയന(22),സജീവ്(51),സൈന(18),ഷൈൻ(60),പുളിക്കൽ പറമ്പിൽ രാജേഷ്(31),സന്ധ്യ(37),അഭിജിത്ത്(26),റെഡ് വിൻകൃഷ്ണ(13),റോഷിൻകൃഷ്ണ(11),ജലജ(65),നികത്തിൽ വീട്ടിൽ സജീവൻ(46),അനന്യ(18),രൂപ(42),അനുനന്ത്(11),കുറുപ്പൻ പറമ്പിൽ ശ്യാം(25) എന്നിവർക്കാണ് പരിക്കേറ്റത്. ഇന്നലെ വെളുപ്പിന് 4 ന് എറണാകുളത്ത് നിന്ന് തിരുവനന്തപുരത്തേക്ക് വരികയായിരുന്ന വാഹനമാണ് അപകടത്തിൽപ്പെട്ടത്. പാരിപ്പള്ളി പൊലീസ് എത്തിയാണ് പരിക്കേറ്റവരെ പാരിപ്പള്ളി മെഡിക്കൽ കോളേജിലും കൊട്ടിയത്തെ സ്വകാര്യ ആശുപത്രിയിലും എത്തിച്ചത്.

ഡിവൈഡറിൽ റിഫ്ലക്ടർ ഇല്ലാത്തത് കാരണം ഇവിടെ അപകടം പതിവാണ്.