കൊല്ലം: ജില്ലയിലെ മികച്ച ഗ്രന്ഥശാലയ്ക്കുള്ള പുത്തൂർ സോമരാജൻ അവാർഡ് കൊട്ടാരക്കര താലൂക്കിലെ കുഴിക്കലിടവക പബ്ലിക് ലൈബ്രറിക്ക്. കേരള സ്റ്റേറ്റ് ലൈബ്രറി കൗൺസിൽ എക്സി. അംഗവും ജില്ലാ ലൈബ്രറി കൗൺസിൽ പ്രസിഡന്റുമായിരുന്ന പുത്തൂർ സോമരാജന്റെ പേരിൽ ജില്ലാ ലൈബ്രറി കൗൺസിൽ ഏർപ്പെടുത്തിയതാണ് അവാർഡ്. 10,000 രൂപയും ആശ്രാമം സന്തോഷ് രൂപകല്പന ചെയ്ത ശില്പവും പ്രശസ്തിപത്രവുമാണ് അവാർഡ്. പുത്തൂർ സോമരാജൻ അനുസ്മരണ ദിനമായ ജൂലായ് 31ന് കുഴിക്കലിടവക പബ്ലിക് ലൈബ്രറിയിൽ നടക്കുന്ന സമ്മേളനത്തിൽ അവാർഡ് സമ്മാനിക്കുമെന്ന് ജില്ലാ ലൈബ്രറി കൗൺസിൽ പ്രസിഡന്റ് കെ.ബി. മുരളീകൃഷ്ണനും സെക്രട്ടറി ഡി.സുകേശനും അറിയിച്ചു.