കൊല്ലം: മനുഷ്യ ജീവിതത്തിൽ അറിവിനെക്കാൾ വേണ്ടത് ആത്മവിശ്വാസമാണെന്ന് മുൻ മന്ത്രിയും എഴുത്തുകാരനുമായ മുല്ലക്കര രത്നാകരൻ പറഞ്ഞു. കൊല്ലം ചാപ്റ്റർ കോളേജിൽ വായനാ വസന്തോത്സവത്തിന്റെ സമാപത്തോടനുബന്ധിച്ചു നടന്ന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. പഴയ കാലഘട്ടത്തിലെ വായനയും പുതിയ കാലഘട്ടത്തിലെ വായനയില്ലാഴ്മയും തമ്മിലുള്ള അന്തരം സമൂഹത്തിൽ ഏറെ മാറ്റങ്ങൾ സൃഷ്ടിക്കുന്നുണ്ടെന്നും അദ്ദേഹം പറഞ്ഞു. ചാപ്റ്റർ കോളേജ് ഡയറക്ടർ ടി. മോഹനൻ അദ്ധ്യക്ഷത വഹിച്ചു. അശ്രാമം ഭാസി, വി.എസ്. ശ്രീകുമാർ, ആർ. ഓമനക്കുട്ടൻ, ദേവിക, അനന്ദു, ഡോ. എം.എസ്. ഗായത്രി, ടി. സതീഷ് കുമാർ എന്നിവർ സംസാരിച്ചു. കെ.ആർ. മീരയുടെ 'ഘാതകൻ' എന്ന നോവലിന്റെ ആസ്വാദനം ആർ. ശിവപ്രിയ അവതരിപ്പിച്ചു. വായനവാരത്തിൽ പങ്കെടുത്തവർക്ക് സർട്ടിഫിക്കറ്റുകൾ വിതരണം ചെയ്തു.