വെള്ളിക്കുളങ്ങര: ലോക പരിസ്ഥിതി ദിനാചരണത്തിന്റെ ഭാഗമായി സംസ്ഥാന സഹകരണ വകുപ്പിന്റെ നേതൃത്വത്തിൽ നടപ്പാക്കുന്ന ഹരിതം സഹകരണ പദ്ധതിയുടെ ജില്ലാതല ഉദ്ഘാടനം വെള്ളിക്കുളങ്ങര സർവീസ് സഹകരണ ബാങ്ക് അങ്കണത്തിൽ നടന്ന ചടങ്ങിൽ കെ.കെ. രാമചന്ദ്രൻ എം.എൽ.എ നിർവഹിച്ചു. ബാങ്ക് അങ്കണത്തിൽ എം.എൽ.എ മാവിൻതൈയും നട്ടു. മറ്റത്തൂർ പഞ്ചായത്ത് പ്രസിഡന്റ് വി.ബി. അശ്വതി അദ്ധ്യക്ഷത വഹിച്ചു. കൊടകര ബ്ലോക്ക് പഞ്ചായത്ത് പ്രസിഡന്റ് എം.ആർ.രഞ്ജിത്, മുകുന്ദപുരം സർക്കിൾ സഹകരണ യുണിയൻ ചെയർമാൻ ജോസ് ചിറ്റിലപ്പിള്ളി, സഹകരണ സംഘം തൃശൂർ ജോയിന്റ് രജിസ്ട്രാർ എം. ശബരീദാസൻ എന്നിവർ മുഖ്യാതിഥികളായി. ബ്ലോക്ക് പഞ്ചായത്ത് അംഗം സജിത രാജീവ്, വാർഡ് അംഗം കെ.എസ്. സൂരജ്, സഹകരണ സംഘം അസിസ്റ്റന്റ് രജിസ്ട്രാർ വി.ബി. ദേവരാജൻ, വെള്ളിക്കുളങ്ങര സർവീസ് സഹകരണ ബാങ്ക് പ്രസിഡന്റ് പി.കെ. കൃഷ്ണൻകുട്ടി, സെക്രട്ടറി കെ.ആർ. രാധാകൃഷ്ണൻ, മറ്റത്തൂർ കൃഷി ഓഫിസർ എം.പി. ഉണ്ണിക്കൃഷ്ണൻ എന്നിവർ സംസാരിച്ചു.