ഡോ. ജേക്കബിനെതിരെയുള്ള നടപടി പിൻവലിക്കണമെന്നാവശ്യപ്പെട്ട് കോളേജ് യൂണിയന്റെ നേതൃത്വത്തിൽ നടന്ന മാർച്ച്.
ഡോ. ജേക്കബിനെതിരെയുള്ള നടപടി പിൻവലിക്കണമെന്നാവശ്യപ്പെട്ട് കോളേജ് യൂണിയന്റെ നേതൃത്വത്തിൽ നടന്ന മാർച്ച്.
തൃശൂർ: മെഡിക്കൽ കോളേജിൽ കഴിഞ്ഞ ദിവസം വാഹനാപകടത്തിൽ മരണപ്പെട്ട രോഗിയുടെ മൃതശരീരം പോസ്റ്റുമോർട്ടം പരിശോധന നടത്താതെ ബന്ധുക്കൾക്ക് വിട്ടു നൽകിയ സംഭവത്തിൽ ഓർത്തോ 3 വിഭാഗം യൂണിറ്റ് ചീഫ് ഡോ. പി.ജെ. ജേക്കബിനെതിരെ എടുത്തിട്ടുള്ള സസ്‌പെൻഷൻ നടപടിക്കെതിരെ പ്രിൻസിപ്പൽ ഓഫീസിലേക്ക് മാർച്ച് നടത്തി. കോളേജ് യൂണിയൻ ചെയർപേഴ്‌സൺ ഗീതു കൃഷ്ണ, വൈസ് ചെയർമാൻ ആസിഫ് ഹസൻ, അഷിന, ജനറൽ സെക്രട്ടറി അർച്ചിത് നായർ, കിരൺ, ശ്രീദത്തൻ എന്നിവർ നേതൃത്വം നൽകി. ഡോ. ജേക്കബിനെതിരെ സർക്കാർ എടുത്ത ശിക്ഷാനടപടി എത്രയും വേഗം പിൻവലിക്കണമെന്നും കോളേജ് യൂണിയൻ ആവശ്യപ്പെട്ടു. ഹോസ്പിറ്റലിൽ മതിയായ അദ്ധ്യാപകരുടെ കുറവ് കൂടി നേരിടുന്ന ഈ സാഹചര്യത്തിൽ ഡോ.ജേക്കബിനെ പോലുള്ള അദ്ധ്യാപകരുടെ സസ്‌പെൻഷൻ നടപടികൾ വിദ്യാർത്ഥികളുടെ പഠനത്തെ ബാധിക്കുമെന്നും വിദ്യാർത്ഥികൾ പറഞ്ഞു.