മേലൂർ: കേരളത്തിലെ ഇടതുപക്ഷ സർക്കാരിനെ അട്ടിമറിക്കാനുള്ള കോൺഗ്രസ് ബി.ജെ.പി ശ്രമം തിരിച്ചറിയുക, അഗ്‌നിപഥ് പദ്ധതി തള്ളിക്കളയുക തുടങ്ങിയ ആവശ്യങ്ങൾ ഉന്നയിച്ച് ഡി.വൈ.എഫ്.ഐ മേലൂർ നോർത്ത് കമ്മിറ്റിയുടെ നേതൃത്വത്തിൽ യുവജന പ്രതിരോധ സംഗമം സംഘടിച്ചു. മുൻ ജില്ലാ പഞ്ചായത്തംഗം അഡ്വ. കെ.ആർ. സുമേഷ് ഉദ്ഘാടനം ചെയ്തു. പ്രസിഡന്റ് ഗൗതം കൃഷ്ണ അദ്ധ്യക്ഷത വഹിച്ചു. സി.പി.എം മേലൂർ നോർത്ത് ലോക്കൽ സെക്രട്ടറി എം.എസ്. ബിജു, എം.എം. രമേഷ്, രമ്യ വിജിത്ത്, എം.എസ്. സുവിൻ, എം.ജെ. ജിനേഷ് എന്നിവർ പ്രസംഗിച്ചു.