പുത്തൻപീടിക: ലോക ലഹരിവിരുദ്ധ ദിനാചരണത്തോടനുബന്ധിച്ച് പുത്തൻപീടിക സെന്റ് ആന്റണീസ് ഹയർ സെക്കൻഡറി സ്‌കൂളിലെ വിമുക്തി ക്ലബ്ബിന്റെ ആഭിമുഖ്യത്തിൽ എക്‌സ്സൈസ് വകുപ്പ് വിദ്യാർത്ഥികൾക്ക് ബോധവത്കരണ ക്ലാസ് നടത്തി.

അന്തിക്കാട് റേഞ്ച്‌ സിവിൽ എക്‌സ്സൈസ് ഓഫീസർ കെ. രഞ്ജിത്ത് ഉദ്ഘാടനം ചെയ്തു. പി.ടി.എ പ്രസിഡന്റ് ഷിബു കൊല്ലാറ അദ്ധ്യക്ഷനായി. വിദ്യാർത്ഥികളുടെയും അദ്ധ്യാപകരുടെയും സൈക്കിൽ റാലി അന്തിക്കാട് റേഞ്ച് എക്‌സ്സൈസ് ഇൻസ്‌പെക്ടർ പി.എം. പ്രവീൺ ഫ്ലാഗ് ഓഫ് ചെയ്തു. സ്‌കൗട്ട് ആൻഡ് ഗൈഡ്‌സ്, ജെ.ആർ.സി എന്നിവരുടെ നേതൃത്വത്തിൽ ഓട്ടോ ടാക്‌സി സ്റ്റാൻഡിലും കടകളിലും ലഘുരേഖ വിതരണം നടത്തി. സ്‌കൂൾ പ്രിൻസിപ്പൽ ലിൻസി എ. ജോസഫ്, പ്രധാനദ്ധ്യാപിക സി.ഒ. സീന, വിമുക്തി ക്ലബ് കോ- ഓർഡിനേറ്റർ ഫ്രാൻസീന ഫ്രാൻസിസ്, സിനി സോളമൻ എന്നിവർ നേതൃത്വം നൽകി.