ഗുരുവായൂർ: ഗുരുവായൂർ ദേവസ്വം ആനകൾക്കായി വർഷം തോറും നടത്തിവരുന്ന സുഖചികിത്സ ജൂലായ് ഒന്നിന് തുടങ്ങും. പുന്നത്തൂർ ആനത്താവളത്തിൽ ജൂലായ് 30 വരെയാണ് സുഖചികിത്സ. ആനകളുടെ ആരോഗ്യ സംരക്ഷണത്തിനായി ഗുരുവായൂർ ദേവസ്വം വർഷങ്ങൾക്ക് മുൻപ് തുടങ്ങിയതാണ് പ്രത്യേക സുഖചികിത്സ.

ആന ചികിത്സാ വിദഗ്ദ്ധരായ ഡോ. കെ.സി. പണിക്കർ, ഡോ. പി.ബി. ഗിരിദാസ്, ഡോ. എം.എൻ. ദേവൻ നമ്പൂതിരി, ഡോ. ടി.എസ്. രാജീവ്, ഡോ. വിവേക്, ദേവസ്വം വെറ്ററിനറി സർജൻ ഡോ. ചാരുജിത്ത് നാരായണൻ എന്നിവരുടെ മേൽനോട്ടത്തിലാകും സുഖചികിത്സ.

ഗജ പരിപാലനത്തിലെ മാതൃകയായി അംഗീകരിക്കപ്പെട്ട ഗുരുവായൂർ ദേവസ്വം ആന സുഖചികിത്സാ പരിപാടിയുടെ ഉദ്ഘാടനം ജൂലായ് ഒന്നിന് വൈകിട്ട് മൂന്നിന് പുന്നത്തൂർ ആനക്കോട്ടയിൽ വച്ച് ദേവസ്വം ചെയർമാൻ ഡോ. വി.കെ. വിജയൻ നിർവഹിക്കും. എൻ.കെ. അക്ബർ എം എൽ എ, നഗരസഭാ ചെയർമാൻ എം. കൃഷ്ണദാസ് എന്നിവർ വിശിഷ്ടാതിഥികളാകും.

ചികിത്സാക്രമം

ആയുർവേദ, അലോപ്പതി മരുന്നുകൾ ഉൾപ്പെടുത്തിയുള്ള ആഹാരക്രമമാണിത്. ആരോഗ്യ സംരക്ഷണവും ഒപ്പം ആനകളുടെ ശരീരപുഷ്ടിക്കും ഉപകരിക്കും വിധമുള്ള സമീകൃത ആഹാരമാണ് നൽകുക. ചികിത്സക്കായി 14 ലക്ഷം രൂപയുടെ എസ്റ്റിമേറ്റ് ദേവസ്വം ഭരണസമിതി അംഗീകരിച്ചിട്ടുണ്ട്.

കൊ​വി​ഡ് ​നി​ര​ക്ക് ​വീ​ണ്ടും​ 221
തൃ​ശൂ​ർ​ ​:​ ​പ്ര​തി​ദി​ന​ ​കൊ​വി​ഡ് ​നി​ര​ക്ക് 221​ൽ.​ ​ഇ​തി​ന് ​മു​മ്പ് ​ഈ​ ​മാ​സം​ ​ര​ണ്ട് ​ത​വ​ണ​ ​പ്ര​തി​ദി​ന​ ​രോ​ഗി​ക​ളു​ടെ​ ​എ​ണ്ണം​ 200​ ​ക​ട​ന്നി​രു​ന്നു.​ 21​ന് 231​ ​പേ​ർ​ക്കും​ 24​ ​ന് 210​ ​പേ​ർ​ക്കും​ ​രോ​ഗം​ ​കൊ​വി​ഡ് ​സ്ഥി​രീ​ക​രി​ച്ചി​രു​ന്നു.​ ​കൊ​വി​ഡ് ​നി​ര​ക്ക് ​കൂ​ടി​യ​തോ​ടെ​ ​ഇ​ന്ന​ലെ​ ​മു​ത​ൽ​ ​മാ​സ്‌​ക് ​നി​ർ​ബ​ന്ധ​മാ​ക്കി​യി​രു​ന്നു.​ ​മാ​സ്‌​ക് ​വ​യ്ക്കാ​ത്ത​വ​ർ​ക്കെ​തി​രെ​ ​പി​ഴ​യ​ട​പ്പി​ക്ക​ൽ​ ​ന​ട​പ​ടി​ ​ശ​ക്ത​മാ​ക്കു​മെ​ന്ന് ​പൊ​ലീ​സ് ​പ​റ​ഞ്ഞു.