കാട്ടാക്കട: ലോക പരിസ്ഥിതി വാരാചരണത്തോടനുബന്ധിച്ച് പരിസ്ഥിതി സംരക്ഷണ സമിതി ഏർപ്പെടുത്തിയ ഈ വർഷത്തെ ഏറ്റവും മികച്ച പരിസ്ഥിതി സൗഹൃദ വിദ്യാലയത്തിനുള്ള പുരസ്കാരം കള്ളിക്കാട് ചിന്താലയ വിദ്യാലയം സീനിയർ സെക്കൻഡറി സ്കൂളിന് കേന്ദ്രമന്ത്രി വി. മുരളീധരൻ സമ്മാനിച്ചു. ചിന്താലയ ആശ്രമ ട്രസ്റ്റ് പ്രസിഡന്റ് വിശ്വനാഥൻ നായർ അദ്ധ്യക്ഷത വഹിച്ചു. സ്കൂൾ മാനേജർ വി.ആർ. സജിത്ത് വിദ്യാലയ പരിചയം നടത്തി. എക്സൈസ് കമ്മിഷണർ ആനന്ദകൃഷ്ണൻ, പരിസ്ഥിതി ശാത്രജ്ഞൻ ഡോ.സുഭാഷ് ചന്ദ്രബോസ്,റിട്ട.ഡി.എഫ്.ഒ ഡോ.ഇന്ദുചൂഡൻ,കള്ളിക്കാട് ഗ്രാമപഞ്ചായത്ത് പ്രസിഡന്റ് പന്തശ്രീകുമാർ,ഗ്രാമപഞ്ചായത്തംഗം ബിന്ദു സുനിൽ,സ്കൂൾ മാനേജ്മെന്റ് ചെയർമാൻ രാജ്മോഹൻ,ഡോ.വി.സുനിൽകുമാർ,ഉയനൻ നായർ,പരിസ്ഥിതി സംരക്ഷണ സമിതി കോ ഓർർഡിനേറ്റർ സേതുനാഥ് മലയാലപ്പുഴ,അജിത്ത് കുമാർ,സ്കൂൾ പ്രിൻസിപ്പൽ എ.വി.റീനമോൾ എന്നിവർ സംസാരിച്ചു. ചടങ്ങിൽ കവി മുരുകൻ കാട്ടാക്കട,ഡോ.സുഭാഷ്ചന്ദ്രബോസ്, ഡോ.വി.സുനിൽകുമാർ,ഡോ.ലേഖ അജിത്ത്,അജിത്ത് കുളിയൂർ,വേണുകീഴ്വാണ്ട,അജി ദൈവപ്പുര,കാവാലം സജീവ്,അനിൽ ഭാവഗീതം,ഉദയനൻ നായർ,ജയകൃഷ്ണൻ വൈദ്യർ,എ.വിശ്വനാഥൻ നായർ,ആർ.രവീന്ദ്രൻ നായർ തുടങ്ങിയ വിശിഷ്ട വ്യക്തികളേയും കേന്ദ്രമന്ത്രി ആദരിച്ചു. തുടർന്ന് മുൻ ജലനിധി ഡയറക്ടർ ഡോ.വി.സുഭാഷ് ചന്ദ്രബോസ്,റിട്ട.ഡെപ്യൂട്ടി റെയിഞ്ച് ഓഫീസർ ഉദയനൻ നായർ എന്നിവർ കുട്ടികളുമായി പരിസ്ഥിതി സർഗ സംവാദം നടത്തി. പുരസ്ക്കാര ദാന ചടങ്ങിനെത്തിയ കേന്ദ്രമന്ത്രി വി. മുരളീധരനെ ചിന്താലയാശ്രമം ഭാരവാഹികൾ പൂർണ കുഭം നൽകി സ്വീകരിച്ചു. കീഴ്‌വാണ്ടയിൽ അഡ്വ.അഞ്ചുകൃഷ്ണയുടെ വീട്ടിൽ അഗസ്ത്യവനം സൂക്ഷ്മ നിബിഢവനത്തിന്റെ സംസ്ഥാന തല ഉദ്ഘാടനവും കേന്ദ്രമന്ത്രി നിർവഹിച്ചു.