തിരുവനന്തപുരം: കേരളകൗമുദി എഡിറ്റോറിയൽ അഡ്വൈസറായിരുന്ന എൻ.രാമചന്ദ്രന്റെ എട്ടാം ചരമവാർഷികത്തോടനുബന്ധിച്ച് അനുസ്‌മരണം സംഘടിപ്പിക്കുന്നു. എൻ.രാമചന്ദ്രൻ ഫൗണ്ടേഷന്റെ ആഭിമുഖ്യത്തിൽ നാളെ വൈകിട്ട് 4.30ന് പ്രസ്ക്ളബ്ബ് ടി.എൻ.ജി ഹാളിൽ നടക്കുന്ന ചടങ്ങ് വി.എം.സുധീരൻ ഉദ്ഘാടനം ചെയ്യും. ട്രസ്റ്റ് പ്രസി‌ഡന്റ് പ്രഭാവർമ്മ അദ്ധ്യക്ഷനാകും. മുതിർന്ന മാദ്ധ്യമ പ്രവർത്തകരായ പി.പി.ജെയിംസ്,​ ജി.യദുകുലകുമാർ, സാമൂഹ്യപ്രവർത്തക കെ.കൃഷ്‌ണകുമാരി,​ ജി.രാജ്മോഹൻ,​ ​പ്രസീദ മുരളീധരൻ,​ ആസിഷ് പി.തോമസ്,​ ബാബു ദിവാകരൻ തുടങ്ങിയവർ പങ്കെടുക്കും. പ്രസ് ക്ളബ്ബിൽ നിന്ന് 2019-20,​ 2020-21 വർഷങ്ങളിൽ ജേർണലിസത്തിൽ ഒന്നാം റാങ്ക് നേടിയ വിദ്യാർത്ഥികൾക്ക് ക്യാഷ് അവാർഡും നൽകും.