തിരുവനന്തപുരം: അറബിക്കടലിൽ നിന്ന് കേരള തീരത്തേക്ക് കാറ്റ് ശക്തിപ്രാപിച്ചതോടെ അടുത്ത അഞ്ച് ദിവസം സംസ്ഥാനത്ത് ഇടിമിന്നലോടെയുള്ള മഴയുണ്ടാകുമെന്ന് കാലാവസ്ഥാ കേന്ദ്രത്തിന്റെ മുന്നറിയിപ്പ്. എറണാകുളം,തൃശൂർ, ഇടുക്കി, മലപ്പുറം,കോഴിക്കോട്, കണ്ണൂർ ജില്ലകളിൽ ഇന്നു മുതൽ ശനിയാഴ്ചവരെയും കോട്ടയത്ത് ഇന്നും വെള്ളിയാഴ്ചയും കാസർകോട്ട് നാളെ മുതൽ ശനിയാഴ്ചവരെയും യെല്ലോ അലർട്ട് പുറപ്പെടുവിച്ചിട്ടുണ്ട്. മണിക്കൂറിൽ 40–50 കിലോമീറ്റർ വേഗത്തിൽ കാറ്റിന് സാദ്ധ്യത ഉള്ളതിനാൽ കടലിൽ പോകാൻ പാടില്ല.