തിരുവനന്തപുരം:വിതുര-ഈരാ​റ്റുപേട്ട, പാലോട്-എറണാകുളം കെ.എസ്.ആർ.ടി.സി സർവീസുകൾ പുനരാരംഭിക്കണമെന്ന് മനുഷ്യാവകാശ കമ്മിഷൻ കെ.എസ്.ആർ.ടി.സി എക്സിക്യൂട്ടീവ് ഡയറക്ടർക്ക് ഉത്തരവ് നൽകി.നിലവിൽ വിതുര യൂണി​റ്റിൽ നിന്നും ഈരാ​റ്റുപേട്ടയിലേക്കും എറണാകുളത്തേക്കും സർവീസ് നടത്തുന്നുവെന്ന് കെ.എസ്.ആർ.ടി.സിയുടെ റിപ്പോർട്ടിൽ പറയുന്നു. പാലോട് യൂണി​റ്റിൽ നിന്നും കോട്ടയം, കായംകുളം സർവീസുകൾ നടത്തുന്നുണ്ട്. എന്നാൽ മുമ്പുണ്ടായിരുന്ന സർവീസുകൾ പുനരാരംഭിക്കണമെന്ന് പരാതിക്കാരായ പാണ്ഡ്യൻ പാറ ഗ്രീൻവാലി റസിഡന്റ്സ് അസോസിയേഷൻ ആവശ്യപ്പെട്ടു. ഉചിതമായ നടപടികൾ അടിയന്തരമായി സ്വീകരിക്കണമെന്ന് സൗത്ത് സോൺ എക്സിക്യുട്ടീവ് ഡയറക്ടർക്ക് കമ്മീഷൻ നിർദ്ദേശം നൽകി.