നെയ്യാറ്റിൻകര:ഓപ്പറേഷൻ സുരക്ഷാ കവചത്തിന്റെ ഭാഗമായി നെയ്യാറ്റിൻകര സബ് റീജിയണൽ ട്രാൻസ്പോർട്ട് ഓഫീസിന്റെ കീഴിലുള്ള വിവിധ സ്ഥലങ്ങളിൽ നടത്തിയ സ്കൂൾ ബസ് പരിശോധനയിൽ നിയമലംഘനം നടത്തി സർവീസ് നടത്തിയ വാഹനങ്ങൾ പിടിച്ചെടുത്തു.റോഡ് ടാക്സ് അടയ്ക്കാതെയും ഫിറ്റ്നസ് ഇല്ലാതെയും കുട്ടികളുമായി സർവീസ് നടത്തിയ വാഹനങ്ങളെയാണ് കുട്ടികളെ സ്കൂളിൽ എത്തിച്ചതിനുശേഷം പിടിച്ചെടുത്തത്.പരിശോധനയ്ക്ക് ഹാജരാക്കാൻ നിർദ്ദേശം നൽകിയിട്ടും ഹാജരാക്കുകയോ ഫിറ്റ്നസ് എടുക്കുകയാ ചെയ്യാതെ സർവീസ് നടത്തിയ 4 സ്കൂൾ ബസുകളെയാണ് പിടിച്ചെടുത്തത്.കുട്ടികളെ കുത്തി നിറച്ച് കൊണ്ടുപോയതിനും നടപടി സ്വീകരിച്ചു.നെയ്യാറ്റിൻകര ജോയിന്റ് ആർ.ടി.ഒ സന്തോഷ് കുമാർ.സി.എസിന്റെ നേതൃത്വത്തിൽ മോട്ടോർ വെഹിക്കിൾസ് ഇൻസ്പെക്ടർമാരായ മധുകുമാർ.ടി.ആർ,കിഷോർ.എസ്,അസി.വെഹിക്കിൾസ് ഇൻസ്പെക്ടർമാരായ ഷംനാദ്.എസ്.ആർ,വിനോദ്.എ.ഒ എന്നിവർ പരിശോധനയിൽ പങ്കെടുത്തു.