പാറശാല: ബം​ഗളൂരുവിൽ നടന്ന ദക്ഷിണേന്ത്യൻ സംസ്ഥാനങ്ങളിലെ ഫാർമേഴ്സ് പ്രൊഡ്യൂസർ കമ്പനികളുടെ യോ​ഗത്തിൽ തിളങ്ങി പാറശാലയിലെ ഗ്രാമസമൃദ്ധി. എഫ്.പി.ഒ സംസ്ഥാനങ്ങളിൽ കൃഷിയെ പ്രോത്സാഹിപ്പിക്കുന്നതിന് വേണ്ടി കേന്ദ്ര സർക്കാർ രൂപം കൊടുത്ത പദ്ധതിയായ ഗ്രാമസമൃദ്ധി കേരളത്തിലെ സിസയ്ക്ക് കീഴിലാണ് പ്രവർത്തിക്കുന്നത്. ബം​ഗളൂരൂവിൽ നടന്ന കോൺഫറൻസിൽ സിസയെ പ്രതിനിധീകരിച്ച് സിസയുടെ ഫാർമേഴ്സ് പ്രൊഡ്യൂസർ കമ്പനിയുടെ സ്റ്റേറ്റ് ഇൻ ചാർജും മുൻ അ​ഗ്രി.ജോയിന്റ് ഡയറക്ടറുമായ സുരേഷ് ബാബു പദ്ധതി വിശദീകരണവും, സി.ഇ.ഒ ജ്യോതി റിപ്പോർട്ടും അവതരിപ്പിച്ചു.
ബം​ഗളൂരു ജി.കെ.വി.കെ യൂണിവേഴ്സിറ്റി ഒഫ് അഗ്രിക്കൾച്ചർ സയൻസ് കാമ്പെസിലെ ഡോ. ബാബു രാജേന്ദ്ര പ്രസാദ് ഇന്റർനാഷണൽ കൺവെൻഷൻ സെന്ററിൽ നടന്ന കോൺഫറൻസിൽ കേന്ദ്ര കാർഷിക സഹമന്ത്രിമാരായ ശോഭ കരന്തജെ, കൈലാഷ് ചൗധരി, കർണാടക കൃഷി മന്ത്രി ബി.സി. പാട്ടിൽ തുടങ്ങിയവർ പങ്കെടുത്തു.