തിരുവനന്തപുരം: സംസ്ഥാന സർക്കാർ നടപ്പിലാക്കുന്ന ഫയൽ അദാലത്തിന്റെ ഭാഗമായി റവന്യൂ വകുപ്പിലെ ഫയലുകൾ തീർപ്പാക്കുന്നതിന് സമഗ്രമായ കർമ്മ പദ്ധതി തയ്യാറാക്കിയതായി മന്ത്രി കെ.രാജൻ അറിയിച്ചു.റവന്യൂ, സർവെ, ഭവന നിർമ്മാണ വകുപ്പുകളിലെ ഉന്നത ഉദ്യോഗസ്ഥർ, ജില്ലാ കളക്ടർമാർ, തഹസിൽദാർമാർ എന്നിവരുമായി നടത്തിയ യോഗത്തിന്റെ അടിസ്ഥാനത്തിലാണ് പദ്ധതിക്ക് അന്തിമ രൂപം നൽകിയത്. ജൂലായ് ഒന്നു മുതൽ ആരംഭിക്കുന്ന അദാലത്ത് എറണാകുളത്ത് റവന്യൂ മന്ത്രി ഉദ്ഘാടനം ചെയ്യും.