തിരുവനന്തപുരം: അടുത്ത അഞ്ച് ദിവസം സംസ്ഥാനത്ത് ഇടിമിന്നലോടു കൂടിയ വ്യാപകമായ മഴക്ക് സാദ്ധ്യത.

തെക്കൻ ജില്ലകളിൽ ഒറ്റപ്പെട്ട മഴയും വടക്കൻ ജില്ലകളിൽ ശക്തമായ മഴയും ലഭിക്കും.വടക്കൻ കേരള തീരം മുതൽ തെക്കൻ ഗുജറാത്ത്‌ തീരം വരെ നിലനിൽക്കുന്ന ന്യൂനമർദ്ദ പാത്തിയുടെയും സ്വാധീനമാണ് നിലവിൽ വടക്കൻ കേരളത്തിൽ മഴ ലഭിക്കാനുള്ള കാരണം. കേരള തീരത്ത് ശക്തമായ കാറ്റിനും മോശം കാലാവസ്ഥയ്‌ക്കും സാദ്ധ്യതയുള്ളതിനാൽ ഈ പ്രദേശങ്ങളിൽ മത്സ്യബന്ധനം പാടില്ല.