കിളിമാനൂർ: മുഖ്യമന്ത്രി പിണറായി വിജയനെ യൂത്ത് കോൺ​ഗ്രസ് പ്രവർത്തകർ ആക്രമിക്കാൻ ശ്രമിച്ചുവെന്നാരോപിച്ച് സി.പി.എം നേതൃത്വത്തിൽ കിളിമാനൂർ ഏരിയാ പരിധിയിലെ വിവിധ കേന്ദ്രങ്ങളിൽ പ്രവർത്തകർ പന്തംകൊളുത്തി പ്രകടനം നടത്തി. പള്ളിക്കൽ ടൗണിൽ നടന്ന പന്തംകൊളുത്തി പ്രകടനത്തെ തുടർന്നുള്ള പ്രതിഷേധയോ​ഗം സി.പി.എം ജില്ലാ കമ്മിറ്റി അം​ഗം മടവൂർ അനിൽ ഉദ്ഘാടനം ചെയ്തു.അടുക്കൂർ ഉണ്ണി അദ്ധ്യക്ഷനായി.ലോക്കൽ സെക്രട്ടറി സജീബ് ഹാഷിം,പഞ്ചായത്ത് പ്രസിഡന്റ് എം.ഹസീന തുടങ്ങിയവർ സംസാരിച്ചു.കിളിമാനൂർ ടൗണിൽ നടന്ന പ്രതിഷേധ യോ​ഗം ഏരിയാ സെക്രട്ടറി തട്ടത്തുമല ജയചന്ദ്രൻ ഉദ്ഘാടനം ചെയ്തു.സി.പി.എം ഏരിയാ കമ്മിറ്റി അം​ഗങ്ങളായ എം.ഷാജഹാൻ,വി.ബിനു,ഇ.ഷാജഹാൻ,ജെ.ജിനേഷ്,ആർ.കെ. ബൈജു തുടങ്ങിയവർ സംസാരിച്ചു.ന​ഗരൂർ ടൗണിൽ നടന്ന പ്രകടനത്തിൽ ഏരിയാ കമ്മിറ്റി അം​ഗങ്ങളായ എം.ഷിബു,ഡി.സ്മിത,എസ്.നോവൽരാജ് തുടങ്ങിയവർ നേതൃത്വം നൽകി.