കടയ്ക്കാവൂർ : മത്സ്യത്തൊഴിലാളി കോൺഗ്രസ് ചിറയിൻകീഴ് നിയോജക മണ്ഡലം കമ്മിറ്റി അഞ്ചുതെങ്ങിൽ പ്രതിഷേധ സായാഹ്ന ധർണ സംഘടിപ്പിച്ചു. ബഡ്ജറ്റിൽ പ്രഖ്യാപിച്ച 25 രൂപ നിരക്കിലുള്ള മണ്ണെണ്ണ വിതരണം ചെയ്യുക, തീരം നഷ്ടപ്പെട്ടതു മൂലം വീടും വസ്തുവും നഷ്ടമായവർക്ക് തത്തുല്യമായ നഷ്ടപരിഹാരം നൽകുക തുടങ്ങിയ ആവശ്യങ്ങളുന്നയിച്ചാണ് ധർണ സംഘടിപ്പിച്ചത്. കേരള പ്രദേശ് കോൺഗ്രസ് കമ്മിറ്റി ജനറൽ സെക്രട്ടറി ബി.ആർ.എം.ഷമീർ ഉദ്ഘാടനം ചെയ്തു.ബ്ലോക്ക് പ്രസിഡന്റ് ഔസേപ്പ് ആന്റണി അദ്ധ്യക്ഷതവഹിച്ചു. ജില്ലാ കോൺഗ്രസ് കമ്മിറ്റി പ്രസിഡന്റ് അഡോൾഫ് ജി. മോറയ്, സംസ്ഥാന ഭാരവാഹികളായ വർക്കല അഹദ്, അഞ്ചുതെങ്ങ് മണ്ഡലം പ്രസിഡന്റ് ജൂഡ് ജോർജ്,അ ഞ്ചുതെങ്ങ് ഗ്രാമ പഞ്ചായത്ത് പ്രതിപക്ഷ പാർലമെന്ററി പാർട്ടി ലീഡർ യേശുദാസ് സ്റ്റീഫൻ, നൗഷാദ് തുടങ്ങിയവർ സംസാരിച്ചു.