കടയ്ക്കാവൂർ: സി.പി.എം അഞ്ചുതെങ്ങ് ലോക്കൽ കമ്മിറ്റിയുടെ നേതൃത്വത്തിൽ നവകേരളവികസന ജനസദസ് സംഘടിപ്പിച്ചു. അഡ്വ. വി.ജോയി എം.എൽ.എ ഉദ്ഘാടനം ചെയ്തു. പഞ്ചായത്ത് പ്രസിഡന്റ് വി. ലൈജു അദ്ധ്യക്ഷനായിരുന്നു. പരിപാടിയിൽ പദ്ധതി നിർവഹണത്തിൽ സംസ്ഥാനത്ത് നാലാം സ്ഥാനവും ജില്ലയിൽ ഒന്നാം സ്ഥാനവും കരസ്ഥമാക്കിയ അഞ്ചുതെങ്ങ് പഞ്ചായത്തിനെ എം.എൽ.എ അനുമോദിച്ചു. ജില്ലാ കമ്മിറ്റി അംഗം അഡ്വ. ഷൈലജാബീഗം,സി.പയസ്,അഞ്ചുതെങ്ങ് സുരേന്ദ്രൻ,ബി.എൻ. സൈജുരാജ്, ലോക്കൽ കമ്മിറ്റി സെക്രട്ടറി ആർ. ജെറാൾഡ്,പി. സുനി തുടങ്ങിയവർ പങ്കെടുത്തു.