തിരുവനന്തപുരം: എ.ജെ കോളേജ് ഒഫ് സയൻസ് ആൻഡ് ടെക്‌നോളജിയിൽ 2019,2020,2021 വർഷങ്ങളിൽ കേരള സർവകലാശാല പരീക്ഷകളിൽ വിവിധ വിഷയങ്ങളിൽ ഒന്ന്,രണ്ട്,മൂന്ന് റാങ്കുകൾ നേടിയ വിദ്യാർത്ഥികൾക്ക് കേരള സർവകലാശാല പ്രോ.വൈസ് ചാൻസലർ ഡോ.പി.പി.അജയകുമാർ ക്യാഷ് പ്രൈസ് വിതരണം ചെയ്തു.ചീഫ് മിനിസ്റ്റേഴ്‌സ് മെരിറ്റ് സ്‌കോളർഷിപ്പ് നേടിയ ഫൗസിയ മോൾ .എം.എൻ, ലക്ഷ്‌മി രഞ്ജിത്ത് എന്നീ വിദ്യാർത്ഥികളെയും പി.എച്ച്.ഡി നേടിയ ഡോ.നോഹ ലാജ്,ഡോ.റൈഷി, ഡോ. ജോയ്‌സി എബ്രഹാം എന്നിവരെയും ട്രോഫികൾ നൽകി ആദരിച്ചു.യൂണിവേഴ്‌സിറ്റി കലോത്സവത്തിൽ എ.ജെ കോളേജിനെ പ്രതിനിധീകരിച്ച് പങ്കെടുത്ത് വിജയിച്ച വിദ്യാർത്ഥികളെയും ചടങ്ങിൽ അനുമോദിച്ചു. പ്രിൻസിപ്പൽ പ്രൊഫ.കെ.വൈ.മുഹമ്മദ് കുഞ്ഞിന്റെ അദ്ധ്യക്ഷതയിൽ കൂടിയ ചടങ്ങിൽ വൈസ് പ്രിൻസിപ്പൽ അബ്‌‌ദുൾ റഹീം,ഡോ.സജീവ് റോസ്, ഡോ.ബിജു.സി.മാത്യു, പി.ടി.എ വൈസ് പ്രസിഡന്റ് രവി എന്നിവരും കോളേജ് ചെയർമാൻ തൗഫീഖ് ഷാജി, ആർട്‌സ് ക്ലബ് സെക്രട്ടറി അമീൻ ഫൈസൽ എന്നിവരും സംസാരിച്ചു.