 കേരളസർവകലാശാല മാർച്ചിൽ നടത്തിയ മൂന്നാം സെമസ്റ്റർ ബി.കോം കമ്പ്യൂട്ടർ ആപ്ലിക്കേഷൻ പരീക്ഷയുടെ പ്രാക്ടിക്കൽ ജൂലായ് നാലിന് ആരംഭിക്കും.

ആഗസ്റ്റിൽ നടത്തിയ ഒന്നാം സെമസ്റ്റർ സി.ബി.സി.എസ്. ബി.എ. സ്പെഷ്യൽ പരീക്ഷയുടെ കരട് മാർക്ക് ലിസ്റ്റ് വിദ്യാർത്ഥികളുടെ പ്രൊഫൈലിൽ ലഭിക്കും. പുനർമൂല്യനിർണ്ണയത്തിനും സൂക്ഷ്മപരിശോധനയ്ക്കും ജൂലായ് എട്ടു വരെ അപേക്ഷിക്കാം.

രണ്ടാം വർഷ ബി.ബി.എ (ആന്വൽ സ്‌കീം - പ്രൈവ​റ്റ് രജിസ്‌ട്രേഷൻ) (റെഗുലർ - 2020 അഡ്മിഷൻ, ഇംപ്രൂവ്‌മെന്റ്/സപ്ലിമെന്ററി - 2019 അഡ്മിഷൻ, സപ്ലിമെന്ററി - 2017 & 2018 അഡ്മിഷൻ) പരീക്ഷയ്ക്ക് പിഴകൂടാതെ ജൂലായ് 8 വരെയും 150 രൂപ പിഴയോടെ 13 വരെയും 400 രൂപ പിഴയോടെ 15 വരെയും ഓഫ്‌ലൈനായി അപേക്ഷിക്കാം.

 ജൂലായിൽ നടത്തുന്ന ഒന്ന്, മൂന്ന് സെമസ്റ്റർ മാസ്റ്റർ ഒഫ് ഫിസിക്കൽ എഡ്യൂക്കേഷൻ ആൻ‌ഡ് സ്പോർട്സ് (2020 സ്‌കീം) പരീക്ഷയ്ക്ക് പിഴകൂടാതെ ജൂലായ് 4 വരെയും 150 രൂപ പിഴയോടെ 7 വരെയും 400 രൂപ പിഴയോടെ 8വരെയും അപേക്ഷിക്കാം.