തിരുവനന്തപുരം: പരിശീലനം പൂർത്തിയാക്കിയ 99 ഡ്രൈവർ പൊലീസ് കോൺസ്​റ്റബിൾമാരുടെ പാസിംഗ് ഔട്ട് പരേഡ് ശനിയാഴ്ച രാവിലെ 8.30 ന് തിരുവനന്തപുരം എസ്.എ.പി ഗ്രൗണ്ടിൽ നടക്കും. മുഖ്യമന്ത്റി പിണറായി വിജയൻ അഭിവാദ്യം സ്വീകരിക്കും. പൊലീസ് മേധാവി അനിൽകാന്ത്, ബ​റ്റാലിയൻ എ.ഡി.ജി.പി കെ.പത്മകുമാർ എന്നിവർ പങ്കെടുക്കും. അടിസ്ഥാന പരിശീലനത്തിന് പുറമേ പുതുതലമുറ വാഹനങ്ങളുടെ ഉപയോഗം, പരിപാലനം, വി.വി.ഐ.പി സുരക്ഷാ ഡ്യൂട്ടി, എസകോർട്ട് ഡ്യൂട്ടി എന്നിവ സംബന്ധിച്ച പ്രത്യേക പരിശീലനവും ഇവർക്ക് നൽകിയിട്ടുണ്ട്.