തലപ്പുഴ: കഴിഞ്ഞ ദിവസം ജനവാസ മേഖലയിൽ ഇറങ്ങിയ കാട്ടാന തലപ്പുഴ പുതിയിടം മുനീശ്വരൻ കോവിൽ ക്ഷേത്രത്തിലെത്തി തിടപ്പള്ളിയുടെ വാതിൽ തകർത്ത് ക്ഷേത്ര സാധനങ്ങൾ നശിപ്പിച്ചു. ഇത് രണ്ടാം തവണയാണ് മുനീശ്വരൻ ക്ഷേത്രത്തിൽ കാട്ടാനയുടെ ആക്രമണം ഉണ്ടാവുന്നത്.

തിടപ്പള്ളിയുടെ വാതിൽ തകർത്ത് നിലവിളക്കുകൾ, ഉരുളികൾ, പൂജയ്ക്ക് ഉപയോഗിക്കുന്ന സാധന സാമഗ്രികൾ, മറ്റ് ക്ഷേത്ര ഉപകരണങ്ങൾ, ഗ്യാസ് സ്റ്റൗ എന്നിവ നശിപ്പിച്ചു. ഏകദേശം നാൽപ്പതിനായിരം രൂപയുടെ നാശനഷ്ടം കണക്കാക്കുന്നതായി ക്ഷേത്രം ഭാരവാഹികൾ പറഞ്ഞു. തലപ്പുഴ ഫോറസ്റ്റ് സ്റ്റേഷനിൽ ക്ഷേത്രം ഭാരവാഹികൾ പരാതി നൽകി.