തുറവൂർ: തുറവൂർ തെക്ക് പ്രാഥമികാരോഗ്യ കേന്ദ്രത്തിലേക്ക് ദിവസ വേതനാടിസ്ഥാനത്തിൽ ഫാർമസിസ്റ്റിനെ നിയമിക്കുന്നതിനായുള്ള അഭിമുഖം 9 ന് രാവിലെ 11 ന് തുറവൂർ പഞ്ചായത്ത് ഓഫീസിൽ നടക്കും. ആശുപത്രിയിലെ സ്ഥിരം ഫാർമസിസ്റ്റ് വീക്ക്ലി ഒഫ് /അവധി എടുക്കുന്ന ദിവസങ്ങളിലും സ്പെഷ്യൽ ക്ലിനിക് നടത്തുന്ന ദിവസങ്ങളിലും ജോലി ചെയ്യുന്നതിനായാണ് നിയമനം നടത്തുന്നത്. നിശ്ചിത യോഗ്യതയുള്ള ഉദ്യോഗാർത്ഥികൾ അപേക്ഷയും അസൽ സർട്ടിഫിക്കറ്റുകളുമായി നേരിട്ട് ഹാജരാകണമെന്ന് പഞ്ചായത്ത് സെക്രട്ടറി പി.ജയ അറിയിച്ചു.