ചേർത്തല: വാഹനാപകടത്തിൽ പരിക്കേ​റ്റ് ചികിത്സയിലായിരുന്ന യുവതി മരിച്ചു.മാരാരിക്കുളം വടക്ക് പഞ്ചായത്ത് 11-ാം വാർഡിൽ പടിഞ്ഞാറെ തട്ടേഴത്ത് ഉല്ലാസിന്റെ മകൾ അരുണിമ ഉല്ലാസ് (22) ആണ് മരിച്ചത്.കഴിഞ്ഞ 24ന് എസ്.എൽ.പുരത്ത് അരുണിമയുടെ സ്‌കൂട്ടറിൽ മ​റ്റൊരു വാഹനം ഇടിക്കുകയായിരുന്നു.ഗുരുതരമായി പരിക്കേറ്റ അരുണിമ ആലപ്പുഴ മെഡിക്കൽ കോളേജ് ആശുപത്രിയിൽ ചികിത്സയിലിരിക്കെയാണ് മരിച്ചത്. പോസ്റ്റ്മോർട്ടത്തിന് ശേഷം മൃതദേഹം വീട്ടുവളപ്പിൽ സംസ്കരിച്ചു. മാതാവ്: ആശ(മാരാരിക്കുളം വടക്ക് പഞ്ചായത്ത് സി.ഡി.എസ്.വൈസ് ചെയർപേഴ്‌സൺ,മാരാരിക്കുളം ബാങ്ക് ഭരണ സമതി അംഗം).സഹോദരങ്ങൾ: അരുൺ,അർജ്ജുൻ. മാരാരിക്കുളം പൊലീസ് കേസെടുത്തു.