മണ്ണഞ്ചേരി : പാചകത്തിനായി വിറക് എടുക്കുന്നതിനിടെ പാമ്പു കടിയേറ്റ് വീട്ടമ്മ മരിച്ചു. പഞ്ചായത്ത് 14-ാം വാർഡ് കണ്ടത്തിൽ പ്രകാശന്റെ ഭാര്യ ദീപ (44) ആണ് മരിച്ചത്.ശനിയാഴ്ച പകൽ 11.15 ഓടെ വീടിന് പുറത്ത് ശേഖരിച്ചു വച്ചിരുന്ന വിറക് എടുക്കുന്നതിനിടെ മുറിവേറ്റു. വിറകിന്റെ അഗ്രഭാഗം കൊണ്ട് മുറിവുണ്ടായതാണെന്നാണ് ദീപ ആദ്യം കരുതിയത്. കുറച്ചു സമയം കഴിഞ്ഞതോടെ മുറിവിന്റെ ഭാഗത്ത് നിറവ്യത്യാസവും ശാരീരിക അസ്വസ്ഥതയും അനുഭവപ്പെട്ടതോടെ ആലപ്പുഴ ജനറൽ ആശുപത്രിയിൽ എത്തിച്ചെങ്കിലും രക്ഷിക്കാനായില്ല.മക്കൾ: ദേവപ്രിയ,ദേവാനന്ദ്.മൃതദേഹം ആലപ്പുഴ മെഡിക്കൽ കോളേജ് ആശുപത്രി മോർച്ചറിയിലേക്ക് മാറ്റി.സംസ്കാരം ഇന്ന് ഉച്ചയ്ക്ക് ഒന്നിന് വീട്ടുവളപ്പിൽ.