മാവേലിക്കര: കൃഷിഭവന്റെയും മാവേലിക്കര നഗരസഭയുടേയും സംയുക്ത ആഭിമുഖ്യത്തിൽ കർഷക സഭയും ഞാറ്റുവേല ചന്തയും സംഘടിപ്പിച്ചു. നഗരസഭ ചെയർമാൻ കെ.വി.ശ്രീകുമാർ ഉദ്ഘാടനം ചെയ്തു. വൈസ് ചെയർപേഴ്സൺ ലളിത രവീന്ദ്രനാഥ് അദ്ധ്യക്ഷയായി. വികസനകാര്യ സ്റ്റാൻഡിംഗ് കമ്മറ്റി ചെയർമാൻ അനി വർഗീസ് മുഖ്യപ്രഭാഷണം നടത്തി. കൃഷി അസിസ്റ്റന്റ് ഡയറക്ടർ എം.എസ്.സുരേഷ് പദ്ധതി വിശദീകരണം നടത്തി. ശാന്തി അജയൻ, സജീവ് പ്രായിക്കര, നൈനാൻ.സി.കുറ്റിശേരിൽ, മനസ് രാജൻ, ബിജി അനിൽകുമാർ, ശ്യാമളദേവി, സുജാത ദേവി, ലത മുരുകൻ, കെ.ആർ.രാജീവ്, എൻ.മോഹൻദാസ്, ശ്രീലേഖ ശാന്തകുമാർ എന്നിവർ സംസാരിച്ചു. തനത് കൃഷിയും പരിപാലന മുറകളും എന്ന വിഷയത്തിൽ ഫാം പത്രപ്രവർത്തകനും മുൻ കൃഷി ഓഫീസറുമായ അഭിലാഷ് കരിമുളക്കൽ ക്ലാസ് നയിച്ചു. കൃഷിഫീൽഡ് ഓഫീസർ ആർ.മനോജ് സ്വാഗതവും അസിസ്റ്റന്റ് കൃഷി ഓഫീസർ മിനി മിത്ര നന്ദിയും പറഞ്ഞു.