ചേർത്തല : റോട്ടറി ക്ലബ് ഒഫ് ചേർത്തലയുടെ പ്രസിഡന്റായി ബിജു മല്ലാരിയും സെക്രട്ടറിയായി ടി.സുമേഷ് ചെറുവാരണവും ചുമതലയേറ്റു. ജയേഷ് വിജയനാണ് ട്രഷറർ. നവീകരിച്ച റോട്ടറി കമ്യൂണി​റ്റി ഹാളിൽ നടന്ന ചടങ്ങ് റോട്ടറി ഡിസ്ട്രിക്ട് ഗവർണർ കെ.ബാബുമോൻ ഉദ്ഘാടനം ചെയ്തു. ഹോളണ്ട് വനിതയും മെഡി​റ്റേഷൻ പ്രൊമോട്ടറുമായ ലിയോണി വിവിധ സ്‌കൂളുകളിലെ നിർദ്ധനരായ വിദ്യാർത്ഥികൾക്ക് അഞ്ചു സൈക്കിളുകൾ വിതരണം ചെയ്ത് പദ്ധതികൾക്ക് തുടക്കം കുറിച്ചു. റോട്ടറിയുടെ ഡിസ്ട്രിക്ട് പ്രോജക്ടായ അമൃതം പദ്ധതിക്കായി സ്‌കൂളുകളിൽ നടത്തുന്ന കണ്ണ്,ചെവി, പല്ല് എന്നിവയുടെ രോഗമുക്തിക്കായുള്ള പ്രവർത്തനത്തിനും തുടക്കമായി.അസിസ്​റ്റന്റ് ഗവർണർ ഡോക്ടർ കെ.ഷൈലമ്മ പ്രതിജ്ഞാ വാചകം ചൊല്ലിക്കൊടുത്തു. റോട്ടറിയുടെ ഡിസ്ട്രിക്ട് അസംബ്ളിക് വിളംബര ഗാനം ആലപിച്ച അഭിരാം ബിജുവിനെ ഡിസ്ട്രിക്ട് സെക്രട്ടറി ജനറൽ വിജയലക്ഷ്മി നായർ ആദരിച്ചു.ജോൺ സി.നെരോത്ത്,ടൗൺ റോട്ടറി ക്ലബ് പ്രസിഡന്റ് ഡോ.ജയരാജൻ,റെജു ജോർജ് , ഇന്നർവീൽ പ്രസിഡന്റ് ലിസി ജോർജ് എന്നിവർ സംസാരിച്ചു. മേജർ ഡോണർ എം.മോഹനൻ നായരിൽ നിന്നും ചാർട്ടറും കോളറും ഭാരവാഹികൾ ഏ​റ്റുവാങ്ങി.മുൻ സെക്രട്ടറി ജോസഫ് റിപ്പോർട്ട് അവതരിപ്പിച്ചു.അനുഷ്, അഡ്വ.സി.കെ.രാജേന്ദ്രൻ,സുബൈർ ഷംസ് തുടങ്ങിയവർ പങ്കെടുത്തു. സെക്രട്ടറി ടി.സുമേഷ് ചെറു വാരണം നന്ദി പറഞ്ഞു. തുടർന്ന് ചേർത്തല രാജേഷ്,അഭിരാം ബിജു,ഭാഗ്യലക്ഷ്മി ശ്രീകുമാർ,ജയദേവ് കലവൂർ എന്നിവർ ഒരുക്കിയ കലാവിരുന്നും അരങ്ങേറി.