ചേർത്തല : ചരക്കുലോറി തട്ടി ഇലക്ട്രിക് പോസ്​റ്റ് തകർന്നു. നഗരത്തിലേക്ക് പ്രവേശിക്കുന്ന പ്രധാന പാതയിൽ മണിക്കൂറുകളോളം ഗതാഗതം മുടങ്ങി. ഒ​റ്റപ്പുന്നയിൽ നിന്നും നഗരത്തിലേക്കുള്ള പാതയിൽ വേളോർവട്ടത്തിനു സമീപം തിങ്കളാഴ്ച രാവിലെയായിരുന്നു അപകടം. വൈകിട്ടോടെയാണ് ലോറി നീക്കി പോസ്​റ്റു മാ​റ്റി സ്ഥാപിക്കാനായത്. രാവിലെ മുതൽ വൈകിട്ടുവരെ ഇതുവഴിയുള്ള ഗതാഗതം നിലച്ചു. നഗരത്തിൽ വെസ്​റ്റ് സെക്ഷൻ പരിധിയിൽ വൈദ്യുതി വിതരണവും നിലച്ചു. തമിഴ്‌നാട്ടിൽ നിന്നുള്ള ലോറിയാണ് അപകടത്തിൽപ്പെട്ടത്.