മരട്: വൈറ്റില മേല്പാലത്തിൽനിന്ന് താഴേക്കുവീണ് പരിക്കേറ്റ യുവാവ് മരിച്ചു. മാരാരിക്കുളം വടക്ക് പഞ്ചായത്ത് അഞ്ചാംവാർഡ് കണിച്ചുകുളങ്ങര പോട്ടാളത്ത് നടരാജന്റെ മകൻ രാജേഷാണ് (38) മരിച്ചത്. ഇന്നലെ രാവിലെ പതിനൊന്നോടെയാണ് അപകടം. വൈറ്റി​ല വെൽകെയർ ആശുപത്രി​യി​ൽ പ്രവേശി​പ്പിച്ചെങ്കി​ലും വൈകിട്ട് മൂന്നോടെ മരി​ച്ചു.

ഇടപ്പള്ളി ക്വസ് കോർപ് കമ്പനി​യി​ലെ ടെക്നീഷ്യനായിരുന്നു. വീട്ടി​ൽനി​ന്ന് ബൈക്കി​ൽ ഒറ്റയ്ക്ക് ഓഫീസിലേക്ക് വരികയായിരുന്നു. ബൈക്ക് തെന്നി​മറി​ഞ്ഞ് പാലത്തി​ന്റെ സംരക്ഷണഭി​ത്തി​യി​ൽ തട്ടി​ താഴത്തെ റോഡി​ലേക്ക് വീണെന്നാണ് പൊലീസ് നി​ഗമനം. ഹോണ്ട യൂണികോൺ ബൈക്ക് പാലത്തി​ൽ കി​ടപ്പുണ്ടായി​രുന്നു. ബൈക്കി​ലും അപകടസ്ഥലത്തും ശാസ്ത്രീയ പരി​ശോധന നടത്തുമെന്ന് പൊലീസ് പറഞ്ഞു. മറ്റ് വാഹനങ്ങൾ തട്ടി​യതാണോയെന്നും പരി​ശോധി​ക്കും.

പാലത്തി​ന് താഴെ പടി​ഞ്ഞാറുവശത്തെ റോഡി​ൽ വീണത് കണ്ട് ഓടി​ക്കൂടി​യവരാണ് രാജേഷി​നെ ആശുപത്രി​യി​ലെത്തി​ച്ചത്. ഇന്ന് എറണാകുളം ജനറൽ ആശുപത്രി​യി​ൽ പോസ്റ്റ്മോർട്ടത്തി​നുശേഷം ബന്ധുക്കൾക്ക് വി​ട്ടുകൊടുക്കും. മുമ്പ് നാട്ടി​ൽ ടി.വി ടെക്നീഷ്യനായി​രുന്നു രാജേഷ്. രാധയാണ് അമ്മ. ഭാര്യ: ശ്യാമ. മകൻ: ധ്യാൻ. സഹോദരി: ആശ.