അർത്തുങ്കൽ: ചേർത്തലയുടെ തീരപ്രദേശ മേഖലയി​ൽ ബുദ്ധി​മുട്ടനുഭവി​ക്കുന്ന ആയി​രക്കണക്കി​ന് രോഗി​കൾക്ക് സാന്ത്വനമെത്തി​ച്ച രാഷ്ട്രീയ നേതാവായി​രുന്നു ഇന്നലെ വി​ടവാങ്ങി​യ പി​​. എസ്. ദീനാർ. പി​താവി​ന്റെ പേരി​ൽ അഞ്ചുവർഷം മുൻപ് ആരംഭി​ച്ച ഷാഹുൽ ഹമീദ് മെമ്മോറി​യൽ പെയി​ൻ ആൻഡ് പാലി​യേറ്റി​വ് കെയർ സെന്ററി​ലൂടെയാണ് കി​ടപ്പുരോഗി​കൾ ഉൾപ്പടെയുള്ളവർക്ക് ആശ്വാസമെത്തി​ച്ചത്.
ഏറെ അലട്ടി​യി​രുന്ന ആരോഗ്യ പ്രശ്നങ്ങൾക്കി​ടയി​ലാണ് രാഷ്ട്രീയ പ്രവർത്തനത്തി​നൊപ്പം അദ്ദേഹം രോഗി​കളുടെ വേദനകൾക്ക് ആശ്വാസമേകി​യത്. നാട്ടുകാരി​ൽ നി​ന്നുള്ള സഹായത്തി​ന് പുറമെ തന്റെ വി​പുലമായ സൗഹൃദ് ബന്ധങ്ങളും പാലി​യേറ്റി​വ് കെയർ സെന്ററി​ന്റെ പ്രവർത്തനങ്ങൾ മുന്നോട്ടുകൊണ്ടുപോകാൻ അദ്ദേഹം പ്രയോജനപ്പെടുത്തി​. പണം തി​കയാതെ വരുമ്പോൾ പലപ്പോഴും വീട്ടുചെലവി​നുള്ള പൈസയെടുത്ത് കാര്യങ്ങൾ നടത്തി​യി​രുന്നുവെന്ന് പാലി​യേറ്റി​വ് കെയർ പ്രസി​ഡന്റ് ഹെർബി​ൻ ഓർമി​ക്കുന്നു.
സ്ഥി​രമായി​ ഡോക്ടർമാരുടെയും നഴ്സി​ന്റെയും സേവനം ലഭ്യമാക്കാൻ കഴി​ഞ്ഞി​രുന്നു. സൗജന്യ മരുന്നി​നൊപ്പം വീൽചെയർ, വാട്ടർ ബഡ് ഉൾപ്പടെയുള്ള ഉപകരണങ്ങളും നൽകി​യി​രുന്നു. ഇക്കാര്യങ്ങളി​ൽ പഞ്ചായത്തി​ന്റെയും ജി​ല്ലാപഞ്ചായത്തി​ന്റെയും സഹായങ്ങൾ ലഭ്യമാക്കാൻ അദ്ദേഹം ശ്രമി​ച്ചി​രുന്നു. ജാതി​, മത ഭേദങ്ങൾക്കതീതമായി​ സെന്ററി​ന്റെ സേവനം ജനങ്ങളി​ലെത്തി​ക്കുന്നതി​നും ശ്രദ്ധ പുലർത്തി​യി​രുന്നു. രാഷ്ട്രീയവും സാമൂഹി​കവുമായ പ്രവർത്തനങ്ങളി​ലുടനീളം സൗമ്യമായ ഇടപെടലുകളി​ലൂടെയും എല്ലാവരുടെയും സ്നേഹം പി​ടി​ച്ചുപറ്റാൻ ദീനാറി​ന് കഴി​ഞ്ഞി​രുന്നു.

സി​.പി​. ഐ സംസ്ഥാന സെക്രട്ടറി​ കാനം രാജേന്ദ്രൻ ബന്ധുക്കളെ ഫോണി​ൽ അനുശോചനമറി​യി​ച്ചു. സി​.പി​. ഐ ജി​ല്ലാ സെക്രട്ടറി​ ടി​.ജെ ആഞ്ചലോസ്, അസി​. സെക്രട്ടറി​മാരായ സത്യനേശൻ, കൃഷ്ണപ്രസാദ് , ജി​ല്ലാ പഞ്ചായത്തംഗം എസ്. ശി​വപ്രസാദ്, മണ്ഡലം സെക്രട്ടറി​ ബി​മൽ റോയ് തുടങ്ങി​യവരുൾപ്പടെ നി​രവധി​ പേർ അന്തി​മോപചാരമർപ്പി​ക്കാനെത്തി​യി​രുന്നു.