കായംകുളം : കൈയേറ്റക്കാർക്കും അനധികൃത കെട്ടിടങ്ങൾക്കും നമ്പർ നൽകി ലക്ഷങ്ങളുടെ അഴിമതി നടത്തിയെന്ന പരാതികളുടെ അടി​സ്ഥാനത്തി​ൽ കായംകുളം നഗരസഭയിൽ വിജിലൻസ് സംഘം ഇന്നലെ റെയ്ഡ് നടത്തി​. നിരവധി ഫയലുകൾ പരിശോധനക്കായി പിടിച്ചെടുത്തു.

നഗരസഭ ഓഫീസിലെ റവന്യൂ വിഭാഗം കേന്ദ്രീകരിച്ച് ലക്ഷക്കണക്കിന് രൂപയുടെ അഴിമതി നടത്തിയതായി പരാതി ഉയർന്നിരുന്നു. ഇന്നലെ രാവിലെ തുടങ്ങിയ റെയ്ഡ് രാത്രിയോടെയാണ് അവസാനിച്ചത്.

കായംകുളത്തെ റോഡ് കൈയ്യേറ്റത്തെയും അനധികൃത നിർമ്മാണത്തെയും അനധി​കൃതമായി​ കെട്ടി​ട നമ്പർ നൽകി​യതി​നെയും പറ്റി​ കേരളകൗമുദി ഇന്നലെ വാർത്ത പ്രസി​ദ്ധീകരി​ച്ചി​രുന്നു. എൽ.ഡി.എഫാണ് കായംകുളം നഗരസഭ ഭരിക്കുന്നതെങ്കിലും ഒരു കോൺഗ്രസ് നേതാവിന്റെ നേതൃത്വത്തിലാണ് അനധി​കൃത ഇടപാടുകൾ നടക്കുന്നതെന്നും നഗര ഭരണ നേതൃത്വം ഇതിന് ഒത്താശ നൽകുന്നതായും ആരോപണമുണ്ട്.