മാവേലിക്കര: സ്യകാര്യ ബസുകളുടെ കാര്യക്ഷമത, രേഖകളുടെ ആധികാരികത എന്നിവ പരിശോധിക്കാൻ ആലപ്പുഴ ആർ.ടി.ഒ സജി പ്രസാദിന്റെ നിർദ്ദേശ പ്രകാരം നടത്തിയ ഓപ്പറേഷൻ സീവ് പരിശോധനയിൽ മാവേലിക്കരയിൽ 30 ബസുകൾക്ക് പിടിവീണു. മാവേലിക്കര മുൻസിപ്പൽ ബസ് സ്​റ്റാൻഡ്, ചാരുംമൂട് എന്നി​വി​ടങ്ങൾ കേന്ദ്രീകരിച്ചായിരുന്നു പരിശോധന. 82 ബസുകൾ പരിശോധിച്ചു. 12 ബസുകളിൽ സ്പീഡ് ഗവർണർ വിച്ഛേദിച്ച നിലയിലും 14 വാഹനങ്ങളിൽ ലൈ​റ്റുകൾ, ഹോണുകൾ എന്നിവ പ്രവർത്തന ക്ഷമമല്ലാത്ത നിലയിലും രണ്ട് വാഹനങ്ങളുടെ ടയറുകൾ, സീ​റ്റുകൾ എന്നിവ മോശമാണെന്നും കണ്ടെത്തി. വാഹനങ്ങൾ തകരാർ പരിഹരിച്ച് ഹാജരാക്കാൻ നിർദ്ദേശം നൽകി. ടാക്​സ് അടയ്ക്കാതെയും പെർമി​റ്റ് പുതുക്കാതെയും സർവീസ് നടത്തിയ രണ്ട് വാഹനങ്ങൾക്കെതിരെ നിയമ നടപടി സ്വീകരിച്ചതായും ഉദ്യോഗസ്ഥർ അറിയിച്ചു.